مجآلسي رآئع .. (( حبيب العآزمي ×× صيآف الحربي ))

[وافي الخماش]

سلام عليكم ..



ممآ أعجبني ..


..


حبيب العازمي ×× صيآف الحربي (( رحمه الله ))


مجآلسي .. قديم ..




حبيب العازمي

سلام ردية(ن) شرحها يشرح = صدري ويشرح وش اللي بعد أنوي
وإن شفت صياف واقف على دربي = ماروح لين أنشده ويش لي ناوي
صياف يضوي مع الذيب مايسرح = والذيب يسرح وصياف مايضوي
وإن طول الوقت للذيب والحربي = لاذيب سارح ولاصاحبه ضاوي

صياف الحربي (( رحمه الله ))

يامرحبا وأنت تزعل ولاتفرح= ماتفرح ألا مع الشارع المزوي
خلك على الهون لاتنفخ الذربي = وتصير لانته بشاعر ولاغاوي
الله رمابك على شاعرن يجرح = لو قلت أبمسك فم الذيب لايعوي
ياقشر حظك ليا جيت مدربي = وأتذوقها من يدي وأنت متساوي

حبيب العازمي

اليوم ماعاد تجمع ولاتطرح = ماغير تحمى المياسم ولاتكوي
مير أترك الجمع والطرح والضربي = خلك على مثل ماقاله الراوي
منته مخلن على ماتبى تمرح = لو نقطع الحبل ماتطلع الدلوي
شمس الضحى ميعت زبدة الصربي = والصربي شاوي ومن يقنع الشاوي

صياف الحربي (( رحمه الله ))

إن كان شفنا معك بندقن تقرح = أطفيت نارك لاتطبخ ولاتشوي
أبعد ولا تقرب الساحل الغربي = يالروقي اللي تحولت برقاوي
تسري مع الليل الأظلم ولا = وأصبحت في دربك الملوي
وإن جيت أربيك مجنون ماتربي = ويش النتيجه مع الجاهل الهاوي

حبيب العازمي

إليا لقيتك تغني على المسرح = أسقيتك المر وأسقيتك الحلوي
وإن كان ماتقبل الأكل والشربي = أكسيك ثوبين وشماغ وعباوي
أنته ياصياف ماعاد لك مطرح = طرقي مسافر مع الحضر والبدوي
وإن رحت فالبعد وإن جيت فالقربي = لاتخلط العود الأزرق مع الجاوي

صياف الحربي (( رحمه الله ))

هوشتك طالت مع إفلان فالمقرح = لاكن ماعرف الأسفل من العلوي
وأنته لياشفتني قلت خبربي = تراي بين أشقر الجمر والكاوي
روح أنشد الطرقي اللي سرى وأمرح = يسرح ويمسي على البير مايروي
وأنا ماجي مع طريق يحدري = وأنته بلعت الدوا من يد مداوي