الشبرمي ينعت الفراعنه بالسفيه

[دلموك]

في قصيدة لا تخفى معانيها ينتصر الشبرمي لحمد السعيد ضد الفراعنه وينعته بالسفه والخثرقة وغير ذلك يعني ضرب من تحت الحزام
العجيب ان امسية حايل فضحت شاعرية الشبرمي وانه اقل من عادي ولكن عش رجب ترى العجب


قال التميمي أنا موجود
والليلة الميدان ميداني
باذن الولي لا اجود بالماجود
لعيون جادا واقوس الحاني
بيت القصيد وغاية المقصود
شي تسشوفونه بالاعياني
من رحمة الرحمن والمعبود
ومن حكمة الله عالي الشاني
الطيب ماله منطقة وحدود
والطيبين بكل الاوطاني
الى ان يقول في بيت نال استحسان الحضور:
وان جيت جيت لديرة ابن سعود
وان رحت رحت لديرة ابن ثاني
ويواصل:
شاعر وأهاب العيب والمنقود
وازن كلامي قبل قيفاني
ما جيت اتايش والرجال شهود
ولا اهذي وامذرع لساني
ماني على ذم العرب محدود
ولاني سفيه ولاني ولاني
وقال:
المختلف صديت عنه صدود
والمنحرف ما هو من اخواني
والخثرقة والغطرسة والزود
تزود الرجال نقصاني
الصمت حكمة والسخا محمود
ورمي الركاد يغيض عدوانيالى أن قال:
سوقوا سلامي وافي ومفنود
لسلمى واجا وجبال رماني
وحايل واهلها هم فنار الجود
ورمز الوفا من ماض الازماني
وثنوا سلامي للأمير سعود
ريف الضعيف ومدهل العاني
وثنوه للنايب سمي العود
عبدالعزيز وطير حوراني


وعلى الطرق الطويل ألقى الشبرمي قصيدة (صيف حايل) :



التميمـي تهيـض وابتـدا القيفـان بسـم الله الرحمانـي
الحليم العليم الواحـد اللـي كلنـا فـي رجـا غفرانـه
وأبدع شاعر المليون الشبرمي مجددا في قصيدة خاصة بصاحب السمو الملكي الأمير سلطان بن عبدالعزيز آل سعود ولي العهد ونائب رئيس مجلس الوزراء والوزير الدفاع والطيران المفتش العام وقال فيها:

اهلا هلا ما هل وبل الهماليل
واهلا هلا ما لاح برّاق بخيال
بسلطان سلطان الصخا حاتم الجيل
يا مزن جودٍ دوم دايم الدوم همال
يا حدي يا حلحيل يا مفني الحيل
يا فزعة المضيوم يالنايف العال


والقى بعدها ابيات بالشيخ تميم بن حمد ال ثاني ولي عهد دولة قطر قال فيها:
ياسيـدي ماتسـود الا الاسـود
واستحالـه ما يفـل الحديـد الا الحديـد
واشهد ان المرجله من عهد عاد وثمـود
كايـده والطيـب كايـد وذا علـم اكيـد
ثم شال شاعر المليون خليل الشبرمي قصيدة ثناء على صاحب السمو الملكي الأمير سلمان بن عبدالعزيز آل سعود أمير منطقة الرياض جاء في مطلعها:
تحية الإسلام يا سلمان أمير العاصمة
سلام أحلى من رطب طيبة وبرحي القصيم
بعدها قال الشاعر الكبير قصيدة رائعة:
ياواحـدٍ مـادون بابـك خفـارات
ياسامع اللي بالدجاء لـك ينـادي
ثم تفاعل الحاضرون كثيرا مع قصيدة مؤثرة وهي شيلة ابيات رثائية بالشاعر الكبير طلال بن عبدالعزيز الرشيد يرحمه الله:

عم حزنٍ عظيم رجال كـل القبايـل
وفرحة العيد ماتت مع طلال الرشيد
وحل خطبٍ جلل برجال وجبال حايل
والسناعيس شمر من قريب وبعيـد
أحسن الله عزاهم في عريب السلايل
من كسب كل طيـب وعلـمٍ حميـد
مِرثُ الجود كسَاب الثنـا والجمايـل
والنواميس والطولات عوق العضيد
ونسأل اللي اليا من سٍيل مارد سايل
ونطلب الواحد المعبـود رب العبيـد
جعله لجنة الفردوس ذرب الفعايـل
بين ظل ظليل وبيـن طلـح نضيـد
واحسن الله عزا كل العرب والحمايل
واخ وام وحرم وارحام وابنا الفقيـد
والوزن والقوافي والوفـا والنفايـل
واخوياه (وفواصل) وامسيات القصيد
والقلم والورق وطيور واف الخصايل
والكرم والشجاعه والمقال السديـد
وانتْ وأنتِ وأنا ورجال كل القبايـل
أحسن الله عزانا في طـلال الرشيـد


ثم تفاعل الحضور مجددا مع قصيدة سلسلة وغاية في الجزالة وهي قصيدة: (وسمي على بلّي) :
ومنها..
ألا مرحبـاً واهـلاً هـلا عـد ماهلـي
سحابٍ على سلمـى واجـا دوم همالـي

وحي الرفيق اللي علومـه يجـوزٍ لّـي
وحي الكتاب كتاب غالي ومـن غالـي


ثم شال الشاعر شيلة تفاعل معها الجمهور وهي:

والليالي تودع العاقل هبيل
والامور اليوم سلم ياسلام
راح جيل ومقبل ياخوك جيل
ياللـه اني طالبك حسن الختام
العزيز يذل ويعز الذليل
والسباع يباع في سوق النعام
ودفتر الشيكات في مخبا البخيل
ماظهر في حرب وإلا في سلام
حسبي المولي وهو نعم الوكيل
عالم النيات خلاق الانام
مانبي منهم كثير ولا قليل
ولا لنا مقصد ولا غاية مرام