الله من قلب منجض نجيضي,,,,

[ابن صنهوت]

بسم الله الرحمن الرحيم

السلام عليكم ورحمة الله وبركاته
اخواني اعضاء وزوار هذا الصرح الشامخ بمى حوى اليكم هذه الدره من درر شاعر رحل عن العيون ولكن سيبفى داخل القلوب

الله من قلب منجض نجيضي=وحاديه هجره عن هوى البال حديا
والدمع صار من المحاجر يفيضي=من عين مخلوق لفلبي ورديا
وجضيت وزداد البلا من جضيضي=وجريت وناتي بليا عدديا
ابا استريح وهاجسي يستهيضي=لاسمع طاري مخلفين الوعديا
يا ونتي ونت عليل مريضي=مريض لاجا يستقيم ارتعديا
طال الزمان وقام شره يريضي=لاله ولد عم ولاله ولديا
جماعته يبغون نفسه تفيضي=جازين منه ولالهم به جهديا
عليك ياراع العويد الغضيضي=سلبت عقلي يا غضيض النهديا
يابو جديل فوق ردفه نقيضي=عطره من الكادي يكدد ركديا
والعين عين اللي جداه الفضيضي=من المقيل مذيره صوت حديا
والا كما عين اشقر مستهيضي=هاضه براد العصر يبغى الهدديا
والردف شط احوارة بالمقيضي=يتبع بها المصلاح درب الرعديا
والخد براق سرى له نفيضي=والا كما الكهرب بوسط البلديا
عذب معذبني بعذبات بيضي=بيض ثمانه كنهن البرديا
من لامني جعله بغيض لغيضي=وعسا حضوضه عن مناويه رديا
عساه يمسي عند الاعدا قبيضي=ممسوك عند اعداه ماله سعديا
عساه في سجنن مغملق حفيضي=عن دار قومه واقرباه ابتعديا
قلبي من الفرقا غرامه غليضي=شال الغرام وبالغرام اضطهديا
ازعل محد يحسب رضايه وغيضي=وارضا بكيفي ما حدن لي نشديا

[size=5]

وســــــــــــــلامتكم

الشاعر فيصل الرياحي رحمه الله[/

size]