9 (تسعة اشهــوور ) .., ؟؟؟

[عناد شاعر]

السلاام عليكم ورحمة الله وبركاتـه .,,



اخواني رواد منتديـآأت اعتيبـه الهيـلآآآ



اقدم لكم ابيـآأت قليلـه وتعبر عن نفسهـآأآأآ والابيـآأت هذي من قديمي ..,

كريم يابرقن سرى في طرف قور=برق(ن) سرى في تالي الليل لايح
قعدت اناظر له وانا منه مبهور =برق(ن) طرف نوره عن المزن شايح
برق(ن) يخلي ضايق الصدر مسرور=يستر لامن جت مزونه روايح
شفته ولي عن شوفته تسعة اشهور=خلت ضميري من عنا الصبر فايح
تسعة اشهور وعندي اسنين وادهور=طالت علي والصبر بالقلب بايح
والبرق خد الي معه صرت مسحور=الي منه دمعي على الخد سايح
قلب(ن) غدابه ماتوحى به الشور=لي جديله من على المتن طايح
ابو جديل(ن) فوق الامتان منشور=متشلحن من فوق متنه شلايح
قلبي عليه يفر ويلف ويدور =ومن سبته كيات قلبي نجايح
غرو(ن) غرير اصغير ماهر ومغرور=وابلج غنج وادعج كثير المدايح
وانا من اسبابه من البعد مقهور =ودي ولو يسنح لعيني سنايح
حبه بقلبي داخل الجوف محفور=بين الضلوع مسوين له فجايح
وحبه على ترياق الاضلاع مسطور=خطيت له من دم قلبي لوايح
وشيدت له في مهجتي سور وقصور=تذريه من ريح العذل واللفايح
وحطيت له في داخلي (برج معمور)=وقسمت له بالبرج (عدة شرايح)
غلا,, وحب,, وعطف,, واخلاص,, واشعور=جت له من اعماق الضماير منايح
وحطيت له في داخل القلب دستور=واوراق دستوره بصم الصفايح
حبه بقلبي ياهل العرف مقبور=ولااستمع فيه العذل والنصايح
وانا معه في طرقة العشق ماابور=حتى ولو وصله قليل وشحايح
ادراه من نذل(ن) على الهرج مسعور=يسعى على عذل العرب بالفضايح
دربه صعيب وفيه هويات ووعور =متى طريقه لي يجي بالسمايح
ومن دون وصله خيل ورماح وسبور=وقوم(ن) على القب الاصيله نزايح
قوم(ن) علمهم وسط الاجواد مشهور=الي يحطون الشحم والذبايح
ودونه بعد غبات وامواج وبحور=وسود الليال المضلمات الكلايح
قلبي عليه يون ونات محشور=من زود غبن الفقر والقل نايح
وجعل السحاب الي كشح داخله نور=تجي به ارياح الزمن بالفرايح
ويسٌٍٍُتر به قلبن عليه اصبح يفور=وتفرح به اعيون(ن) لشوفه شفايح
واستر به وانا على الصبر مجبور=لو كان صبر القلب بالقلب بايح
ياكامل الخفرات ياسيد الحور=رف بالضمير الي جراله كفايح
واعرف ترا مانته من البعد معذور=والا تبي دمع المحاجر طفايح
واليا حصل لي شوفتك قلت (مشكوور)=شوفك يزيل اهموم صدر(ن) مرايح

قلــم// عنــــآ‘د شـــّـآ‘عـُـ‘ـر ..,




[][] فــوأز العصيمي [][]

[الهلالــــــــي]

وحبه على ترياق الاضلاع مسطور=
خطيت له من دم قلبي لوايح=

صح السك والله يلوم اللي يلوم قلبك كان هذي اوصوفه

[عبدالله الجـــذع]

عناد

صح لسانك قصيده رائعه ومعبره

ننتظر جديدك يالغالي


محبك

.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[عناد شاعر]

المشاركة الأصلية كتبت بواسطة الهلالــــــــي

وحبه على ترياق الاضلاع مسطور=
خطيت له من دم قلبي لوايح=

صح السك والله يلوم اللي يلوم قلبك كان هذي اوصوفه

صح بدنــك اخووي الهلاالي وشرفني مروورك ياطوويل العمرر ..,




عساك فالـوجــوود ..,

[عناد شاعر]

المشاركة الأصلية كتبت بواسطة عبدالله الجـــذع

عناد

صح لسانك قصيده رائعه ومعبره

ننتظر جديدك يالغالي


محبك

.,

صح بدنـك اخووي عبداللــه ..,


وشرفني مروورك ياطوويل العمــرر




والابدآآع ذووق شروآأآكـ .,,



مرحبـآأ بــك




عنـــآ‘د شـــآعـُـ‘ـر .,,

[سيف عنزه]

قصيده راائعه
صح لسانك وبيض الله وجهك يا الغالي

ماقصرت