ماابي وصلك

[بوح المشاعر]

السلام عليكم ورحمة الله وبركاته ..

قصيده قديمه لي واتمنى ان تنال على اعجابكم وسامحوني ان كان فيها كسور لأنها قديمه وكانت في بداياتي الشعريه وبصراحه انالازلت مبتدأ حتى الان امام فطاحلة الشعر في منتدانا الغالي على قلوبنا :


كان ودك للمفارق تبعدين وتقطعيني..
اعلنيها بكل صراحه وخبريني بكل ثبات

ماابي وصلك ياغالي لاتعنا ولا تجيني..
ببتعد وكلي اسف..روح فارق في سكات

تصدميني وتقهريني..تعذبيني وتهجريني..!
وتشعلي الاهات فيني وتوصلي قلبي الممات

وتتركي الاحزان فيني من المها تحتويني..!
وتتركي الحيرة وخوفي في خيالي ساكنات

وبعد كل هذا تجيني بكل برود وتجرحيني..!
فاقده كل المشاعر والعواطف باطنات

هقوتي برجعتك هذي ترتجيني وترتضيني..
وتنثري الأفراح فيني ونستعيد الذكريات

اثرك العن من عدو في نذاله يحتريني..
ينتظر فرصه لصيدي يرصد بكل الجهات

ودك انك لو حصلك تطعنيني وتذبحيني..
وان حصل بيديك دفني هذي عندك امنيات

دام اني في يدينك صرت لعبه تحسبيني..!
اعتذر لك عن وصالي ببتعد يا احلى البنات

وبعد هذا وش يفيدك هالحلى وقلبك نسيني..!!
والوفا لو غاب والله تنرخص اغلى البنات

دام هذي آخرتها اسمعيني وجاوبيني..
وحطي هالكلمه في بالك واحفظيها للممات

وش سبب جرحك وصدك؟وليش انتي تقبليني..؟؟
وليش ماقلتي من اول واختصرتي المسافات

ابعدي عني وتواري..لا اجيك ولا تجيني..
كثرت أغلاطك كفايه في الليالي الماضيات

ماابي وصلك ..دخيلك..من حياتك امسحيني..
وبمسح اسمك من حياتي..انتهى كل الي فات !!


10-3-2002

آخر تعديل بوح المشاعر يوم 29-Aug-2009 في 08:34 PM.

[عمر الدغيلبي]

وعليكم السلام


صح لسانك يا بوح


محاوله جيده


ونأمل ان تتحفنا بآخر كتاباتك


احترامي