اصفر عفر خلاني امشي بلا قود - الهيـــــــــــــلا *** منتدى قبيلة عتيبة

((الدلبحي)) · 27-Jul-2004, 10:48 PM

هذه القصيده لشاعر سليمان بن شريم :
يالله من مدات جودك يابالجود
ياعالم بمغيبات الليالي
تفرج لقلبٍ عن مناويه مردود
عليه من غارات بقعا ميالي
على عشيرٍ بدل الود بصدود
والود حنت له قلوب الجمالي
انا له اشفق من خلوجٍ لمفرود
وهو وسيعٍ خاطره مايبالي
جحدت حبه يوم انا اقواه بركود
وامسي بذكره واصبح الصبح خالي
كني صحيح وخاطري منه ملهود
والناس مايدرون انا ابخص بحالي
وش لون اطيب وخزنة القلب ماجود
لاصار ماماجود شي بغالي
عليه اجدد سنة العبد مسعود
لين اشتهر بين الخلايق هبالي
ماذاق من ضيم الليالي على السود
ذقته على اللي مثل عنق الغزالي
اصفر عفر خلاني امشي بلاقود
بامره تقديني سمارة ظلالي
الى ذكرت اشقر على الردف مرجود
مثل الدويرع فوق حسن الدلالي
ولجلج بصقرات ٍ محاجيرهن سود
وهنف وضيع حيلتي واحتيالي
بيني وبينه مدفع الحرب ممدود
والهرج بابه مدفع ٍ مايكالي
ياعود ريحانٍ على جال راقود
من حيث ماهبت به الريح مالي
بغيت منه بغفلة النذل عنقود
يبرد لهيب القلب عقب الصوالي
اشفق عليه وكل ماجيت مردود
دربه وحل ماهوب دربه عدالي
يسعى بفرقا صاحبي كل مقرود
اما حكاله في والا حكالي
وشاهدت مما قال حامد لمحمود
من غاب عن عيني سلا عنه بالي
يابوحمد لاتدفع الهون بالكود
عساه مايجري لك اللي جرالي
ان مت ماحصلت لي منه مقصود
تراي عنده خبروا بي عيالي
وصلاة ربي عد ماشدت القود
وماهمل وامطر حقوق الخيالي
على النبي والال ياصاحب الجود
ياعالمٍ بمغيبات الليالي

وسلامتكم