كـل الـمرايـر ذقـتهـا مـاذقـت امـر مـن الصبر=لــكن مــحلا الــمر لامــني وصــلت الــمبــتغـا
ابـاهـي بـصبـري على ماصابني واللي الفخر=يــومٍ بــعض الــناس كـن بـداخـله نـار الـوغـا
الـصبـر مـفتـاح الـفرج واللي صبر نال وظفر=واللي سلك درب الصبر يبعد عن اسباب اللغا
وان كـان مـاوفّق يـطب الـمعـركه وش ينتظر=ويــواجــه الـلي واجـهه غـيره هـدر والا رغـا
لـو الـزمـن مـليـان نـاسٍ مـايـشد ابـها الظهر=يــاطــيبــه الــيا ردد الـلي قـلت مـثل الـبغـبغـا
ماشٍ على عمياه وان قلت اصبر وعيد النظر=مـاهـوب دارٍ وش بـغيـت ولا يـعرف الـلي بغا
مـايـدري ان اهـل القرون الماضيه جاهم نذر=والـلي ذبـح فـرعـون كـبره والمعاصي والطغا
وان كـان قـال اهـل القرون ايامهم سود وغبر=اقـــول مــيزان الــعدالــه مــايــمل ولاصــتغــا
ولــو تـلتـغي كـل الـعوايـد والـمذاهـب تـندثـر=يــبقــا كلام الله عــلى مــر الــليــالـي مـالـتغـا
الشاعر / سعد بن شاعي الغنامي
« آخـــر الـــمـــشـــاركــــات »
22-Jul-2009, 01:40 PM
كل المراير ذقتها ماذقت امر من الصبر ::لكن محلا المر لامني وصلت المبتغا
العرض العادي
