ودي اسولف مع الشعار وعطيهم فتاوي

[الوليد الحافي]

ابتدينا بسم رب البيت حلال الدعاوي=نرتجيه ونطلبه يوم الخلايق يطلبونه
ودي اسولف مع الشعار وعطيهم فتاوي=لين كلن يعرف الدين الحنيف ولا يخونه

[عقاب العنزي]

ياعسى لامن طلبته تنقبل كل المناوي = تنقضي حاجاتكم واللي بخواطركم تبونه
انت يامفتي بلاد المملكه ويش انت ناوي = دام كل ٍ عارف ٍ دينه ومختص بشؤونه

[الوليد الحافي]

الله المعبود يرجي فزعته حتى الغناوي=قبل ياتي يوم ياعقاب المسمى تعرفونه
فتوتي تختص يارجال لعيال الشواوي=الشواويه جملهم قللهم لايطلقونه

[نوآف الغنامي]

يا سلام ياسلام

صح الله السنتكم اثنينكم

ابداااع ولا غرابه



واصلوا واصلوا


..

التوقيع

تدرون ويش اكبر فخر بعد الاسلآم !! = ان النبي (طه) خواله عتيبه خــــيال الصفـــــرا سابقاً

[الوليد الحافي]

خيال الصفراء


صح بدنك

ومشكور على المرور

[عقاب العنزي]

كثرت ذنوبك عليك وذيبكم بالصدر عاوي = لاتحسب اليا سلكت الدرب غيرك يسلكونه
انت يالوبّال خلك من بعيدين الهقاوي = والشواويه خطاهم بالقيامه ياجدونه

[عقاب العنزي]

خيال الصفراء

شرفتنا بحضورك صح بدنك


..

[الوليد الحافي]

مانت مكلف بذنب الناس ياراع الملاوي=فيه ناس اسجلون وفيه ناس يوصلونه
البلا انك فاهم المقصود ياعقاب وتراوي=وعذاب اللي بني عمه عن الماء يطردونه

[عقاب العنزي]

باح سدك بعد حديتك على السيل النحاوي = بعد هذي ياعسى ماجاك مني تقبلونه
فاهم المقصد واعرف اليا عن ربوعه جلاوي = مير علمك لوعرضته للعرب مايفهمونه

آخر تعديل عقاب العنزي يوم 16-Jul-2009 في 08:01 PM.

[الوليد الحافي]

الحقيقه ياولد مابيني وبينك تساوي=قدم المعروض لالشيخان اذ ايقيمونه
(والمصيبه لا يطيح الحكم بيدين الزناوي)=ازهمو مستور ولا ولدعاصي يحتمونه