ابتدينا بسم رب البيت حلال الدعاوي=نرتجيه ونطلبه يوم الخلايق يطلبونه
ودي اسولف مع الشعار وعطيهم فتاوي=لين كلن يعرف الدين الحنيف ولا يخونه

ياعسى لامن طلبته تنقبل كل المناوي = تنقضي حاجاتكم واللي بخواطركم تبونه
انت يامفتي بلاد المملكه ويش انت ناوي = دام كل ٍ عارف ٍ دينه ومختص بشؤونه

الله المعبود يرجي فزعته حتى الغناوي=قبل ياتي يوم ياعقاب المسمى تعرفونه
فتوتي تختص يارجال لعيال الشواوي=الشواويه جملهم قللهم لايطلقونه

كثرت ذنوبك عليك وذيبكم بالصدر عاوي = لاتحسب اليا سلكت الدرب غيرك يسلكونه
انت يالوبّال خلك من بعيدين الهقاوي = والشواويه خطاهم بالقيامه ياجدونه

مانت مكلف بذنب الناس ياراع الملاوي=فيه ناس اسجلون وفيه ناس يوصلونه
البلا انك فاهم المقصود ياعقاب وتراوي=وعذاب اللي بني عمه عن الماء يطردونه

باح سدك بعد حديتك على السيل النحاوي = بعد هذي ياعسى ماجاك مني تقبلونه
فاهم المقصد واعرف اليا عن ربوعه جلاوي = مير علمك لوعرضته للعرب مايفهمونه

الحقيقه ياولد مابيني وبينك تساوي=قدم المعروض لالشيخان اذ ايقيمونه
(والمصيبه لا يطيح الحكم بيدين الزناوي)=ازهمو مستور ولا ولدعاصي يحتمونه