السلام عليكم
لثقتي الكبيرة فيكم شعراء واعضاء متذوقون للشعر بشكل عام ولشعر المحاورة بشكل خاص احببت ان اضع بين ايديكم هذه المحاورة التي كانت في زواج الشاعر بدر الخالدي بين كلا من
بن ثايب
منيف المنقره
السبب: هو الاختلاف الكبير بين الجمهور حول المحاورة ولمن التفوق فيها وبالنسبة لي الموضوع محسوم لاحدهم ولكن فقط احببت ان استند على آراءكم لأنكم اقرب وافضل مني في هذا الجانب وانا من المتابعين لكثير من الاخوة مثل ابوفايح وغيره من الشعراء واستفدت كثيرا من طريقة تحليلهم ونقدهم للمحاورات
المحاروة كتابة
منيف المنقرة =
في اللي يجنب طريق الحق ويش العمل=وان راحت الاوله ماتروح الثانيه
والله والله لاحط السم وسط العسل=واحسب لها بالدقيقة واحسب الثانيه
بن ثايب=
يامنيف لاوالله الا ضاع فيك الامل=ماهو بحقا تحس الظيف والعانيه
خل الجمل لاهدر يسري عليه الجمل=ولا جلدناك جلد العاهر الزانيه
منيف المنقرة =
ان كان حيلك قوي هيا وشيل الحمل=الله يعينك دام الاقدام حفيانيه
وش رأيك تسير مسيار وتكون البطل=وآنا ليازرتكم جايع وظميانيه
بن ثايب=
الله وكبر عليكم تك ولا دبل=ياعالما كل ابوكم صنع يابانيه
البندقه في يدي وعرف لصيد الحجل=لكن عندي ظمير وعقل وايمانيه
منيف المنقرة =
هذاك نجم الجدي هذاك كوكب زحل=علومكم فاضيه وحيان مليانيه
بن ثايب=
وش قال ربي وربك فيك يابوجهل=تراك مجرم وجاني واختك الجانيه
الناس تصرف ذهب ومنيف يصرف هلل=لكن شاهر يعرف يجود السانيه
منيف المنقرة =
هذا هو الرجل ياللي تجهلون الرجل= جتنا علومك كذا من غير عنوانيه
ويزود حس الطبل لانك ضربت الطبل=اكيد الانسان يدخل معه شيطانيه
بن ثايب=
انتو وظميرك عسى ربي ياهب لك عقل=ياشاعرا يقتطف من كل بستانيه
ياحضر ياللي ماغير تلقحون النخل=اقربوا من ورى ظلعانها الحانيه
منيف المنقرة =
شوي تبغى تدنق تلهم من الرمل=شيمتك اصبر شوي تجي لك الثانيه
الخير مايكتمل والشر مايكتمل=والله لشهد عليك فلان وفلانيه
بن ثايب=
اخطيت وابطيت والمبطي عليه الخجل=ياصايحا من ورى شمرخ وعسفانيه
لولا اختلاف المذاهب ما استدار العجل=الله يخلفك على امك ياعريبانيه
منيف المنقرة =
اللقمة المره ليا ذقتها تنتفل=فهمت هرجي ونا راضي وزعلاينه
للساع للساع ما جينا حدود الزعل=وشوي الاصحاب تبغى تصير عدوانيه
في حالة غموض اي بيت يرجع لليوتيوب
آخر تعديل فهد الزهراني يوم 27-Jul-2009 في 08:45 PM.
« آخـــر الـــمـــشـــاركــــات »
27-Jul-2009, 08:38 PM
لثقتي في منتدى الهيلا وشعراءه واعضاءه وضعت بين ايديكم هي المحاورة
العرض العادي
