القبائل المنسيه مع بعض العتب

[عيد بن مزنك]

السلام عليكم ورحمة الله وبركاته ,,,,,,,,,,,,,,,,,,,,,وبعد!

اشوفكم ما كتبتوا عن تاريخ بعض قبائل عتيبه مثلاً ( الحميان , والسياحين , والدغالبه , والكراشمه ,والجذعان , والمغايره باذات سلالة الفارس الكبير ( مذكر بن حمد المغيري ) والسلسة ) منهم امرائهم وتاريخهم في معارك عتيبه وراكم نسيتوهم ؟
بعدين اشوفكم ماتطرقتوا لأفعال المحيا العظيمه وش السبب ياعيال العم ؟
وهذا السؤال مهم جداً لإبناء قبيلتي الحبيبه ؟ س ؟/ وش سبب النزاع بينكم في بعض المواضيع مثل ما حصل بين الأخ ( ابن عاصم , والأخ الدعجاني في أحد المناو يخ عند سوق العطفه ( الشيخ الأمير أبا العلاء معروف والعصمه معروف فعلهم ولا يهون العقيلي , والشيخ الأمير الهيضل معروف والدعاجين معروف فعلهم ولا يهون إبن عقيل وكلنا لحمه وحده وهذا النزاع مما يفرح الأعداء علينا .
( إرفعوها عن الطمان ياعتابه ) برقا ورق هما عتابه يعني واحد وتقبلوا خالص تحياتي ,,,,,,, ابنكم البار ( عيد بن مزنك ) العتيبي

[ذيب المراقيب]

1- ارحب باخوي / عيد بن مزنك .. وارى ان معظم ما تفضلت به صحيح .. لكن تاكد بان الجميع يفتخرون بجميع فروع وقبايل عتيبه وشيوخها وامراها وفرسانها.

2- ولكن وبنفس الوقت ارى ان اللوم يقع اكثر على ابناء القبايل التي تفضلت بذكرها مثل [ الحميان - والسياحين - والدغالبه -والكراشمه - والمغايره - والجذعان وغيرهم ] المفروض هم يعرفون قصص وعلوم قبايلهم اكثر من الاخرين .. وبلا شك فهي علوم مشرفه ونحن جميعا نفتخر فيها .. ومفروض ان يقدمون مشاركات في المنتدى عن قبايلهم.

بارك الله فيك.. مع خالص تحياتي

اخوك / ذيب المراقيب

[فيصل المسعودي]

ابد مننساء ربعنا وعيال عمنا ابد والمنتدى هذا لعتيبه كلها كلن يقول اللي عنده ويكتبه وانا مع اخوي ذيب المراقيب وين ابناء هالقبائل يكتبون عنها واللي عنده معلومات لا يبخل علينا وحنا ابشر لو عندنا منبخل به لانه شرف لنا وللقبيله كلها سواء كنا من برقا ولا من روق وشكرا لكم جميعا.
فيصل المسعودي