مشاري بن محيا هداج تيما

[وليد بن مسعد]

السلام عليكم ورحمه الله وبركاته

اسمحوا لي ان اضع بين ايديكم هذه القصيده

في خالي الشيخ / مشاري بن فيحان بن محيا


قم يانديبي بغيتك ترسل(ا)له السلام
ابن مـحـيا وشـف كـيـف يتـحرالـها

شيخن ليا كبرت القاله وزاد الخصام
اليا احتمى للثقـايل وارتكـى شـالـها

معرب الجد مروي كل رمح وحسام
ماجـابن الـبيـض مـثلـه كلـن وقـالها

هداج تيما بجوده مثل بدر التـمـام
يومن هم الرخوم الشح في مالها

يمناه مدهال طيب وزابنه مايضام
طال المراجل بفعله يافـهـد طـالـها

فيه السطر والكرم والعز عالي المقام
يتعب على الـمرجـله رجـله ويـعـنالـها

له نظرتن ثاقبه حرن بعيد المرام
واليا اعـتزا صـاح بالعليا يا خـيالها

يحوم حومة عقاب ولو بالاجواء عسام
ماكـره فـالنايـفـات اللـي هـذا طـوالـها

بـراك جـده وجـده للـمـحـايا سـنام
راعي الدفينه يومن الناس بافعالها

تشهد له بوسمة المغزل جميع الانام
والـشـيخه بفـعل يـده ياعـرب نالـهـا

قلته وانا مابغيت الي الثنا والملام
قصـيدتي ذي حـلفت اكيـد عـذالها

الطيب مايورث الا طيب هذا الكلام
تـغـير وجـيـه والـدنـيـا هذا حالـهـا
_________________________________________
__________________________________
__________________________
_________________
_________
___

آخر تعديل وليد بن مسعد يوم 23-May-2009 في 10:25 PM.

[@ـايل]

وعليكم السلام ورحمة الله وبركاته ..

صح لسانك ياولد ابن مسعد ...ويستاهل خالد الشيخ / مشاري بن محيا ..

والله يعافيك ..

.........

[فواز علي الروقي]

صح لسانك ياوليد يابن مسعد
وبيض الله وجهك لاعدمناك
تقبل تحياتي

[نايف خلف العضياني]

صح السانك يابن مسعد

[وليد بن مسعد]

اخوي هايل

تشرفت بمرورك يالغالي

ودي وتقديري...