( انا ما تهيض لين اشوف البروق تلوح )

[سلطان بن دحيم]

اليكم هذه قصيده ولها مجاراه من الشاعر غازي بن دخيل الله بن عون

انا ما تهيض لين اشوف البروق تلوح = ليا شفتها جاني من الارض خفخافي
وقامت هواجيس الضماير تجي وتروح = وقمت ابدع القيفان قاف(ن) ورا قافي
اوسع بها صدري وانا خافقي مجروح = اجر اللحن واللي خفا فالحشا خافي
لعل البروق اللي لها فالغداري ضوح = تخيل على دار(ن) لها القلب ميلافي
على ديرة(ن) نسمة هواها ترد الروح = ولو هي عجاج وحر ما هيب تنعافي
لعله من البره ليا الوادي ابو سروح = ليا مرها الطرقي يقول المطر ضافي
بامر واحد(ن) يعلم بسدي قبل لا ابوح = الاه(ن) بخلقه دايم الدوم روافي
لو اني ليا من جيتها والصدر مشروح = وشفت المنازل باني(ن) فوقها السافي
تسكر بوجهي كل باب(ن) قبل مفتوح = وعجلت من عقب المغازي بالانكافي
بعد ما سكن بربوعها كل طايل شوح = رجال(ن) لهم يوم المواقيف ميقافي
بقت كنها ما حل فيها ولا ممدوح = خلي(ن) تهول العقل يارب يا كافي
تحصل بها خيمه وبيت الشعر مطروح = وبها الضيف ما ياقى ليا مر مضيافي
ليا شفتها عيني بزرق الدموع تفوح = وخصوص(ن) ليا مني تذكرت الاسلافي
ولا احد(ن) يلوم العين يا ناس يوم تنوح = وعسى لايمي باللي للارواح قصافي

هذه مجاراة غازي بن عون

تلعيت يا سلطان في عالي المليوح = بقاف(ن) على اقذال الشفا النايفه نافي
وطلع طير هحسي عقب ما اوميت له بالوح = وهو ما يتوق الا لزينات الاوصافي
حشام(ن) سليم(ن) سبكهن ما بهن ساموح = تعلن عن المنقود في راس مشرافي
ونويت ابدي المشراف مع مبعدات الشوح = لكنه وعر والحيل واني وانا حافي
من الوجد اخو تركي يجاوب حمام الدوح = وانا عبرتي مثله نكسر بالالجافي
بعد جبت يا سلطان قصة سفينة نوح = رحل من رحل منها وحنا على القافي
تكلمت عنها يا حليف الوفاء بوضوح = ولا ودي اعقب على شرحك الوافي
واشوف لك يا سلطان يم الرفاع طموح = وقرنت الهدف باهداف سامين الاهدافي
ما هوب الشباب اللي هدف شعرهم مفضوح = هفا شعرهم فالقاع مثل اصله الهافي
يميحون من بير الرذيله دلاهم موح =شباب (ن) كشف شعره غطا عيبه الضافي
واشوف المجال الهم ولامثالهم مفسوح = بوقت غدت فيه العداله والانصافي

[ابن صنهوت]

صح السانك والسان غازي لاهنت ياسلطان لا عدمناك
تقبل مروري

[سلطان بن دحيم]

بن صنهوت


صح بدنك

لاهنت على المرور

[محمد النخيش]

ياسلام ياسلام



على الابداع واهله



سناد وافي ورد وافي




صح لسانك ياسلطان مبدع




وصح لسان الشاعر العلم غازي ابن عون

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

[فيصل المسعودي]

ياسلام على الجزالة

قصيدتين احتوت الجزالة والأصالة بشكل كبير

صح لسانك ياسلطان

وصح لسان العلم الكبير

غازي بن عون

في انتظار القادم ياسلطان

تحياتي

[سلطان بن دحيم]

المشاركة الأصلية كتبت بواسطة محمد غازي النخيش

ياسلام ياسلام



على الابداع واهله



سناد وافي ورد وافي




صح لسانك ياسلطان مبدع




وصح لسان الشاعر العلم غازي ابن عون

صح بدنك

وبيض الله وجهك على المرور

[أبو نجر النفيعي]

الله الله

قصيده وافيه وجزله ورد وفي وجزل ..

وصحة السنتكم يا سلطان ..

ولا تحرمنا من جديدك ..



أخوك

التوقيع

.....

[سلطان بن دحيم]

المشاركة الأصلية كتبت بواسطة فيصل المسعودي

ياسلام على الجزالة

قصيدتين احتوت الجزالة والأصالة بشكل كبير

صح لسانك ياسلطان

وصح لسان العلم الكبير

غازي بن عون

في انتظار القادم ياسلطان

تحياتي

صح بدنك وشرفتني بمرورك لاهنت

[أبونواف]

صح لسانك ياسلطان

وصح لسان أبوعبد الله

درتين ثمنتين وبيض الله وجهك وجهه

لكن الوادي أبو سروح وين هذا ..

[فايز بن سرحان الثبيتي]

سلطان بن دحيم

انا ما تهيض لين اشـوف البـروق تلـوح
ليـا شفتهـا جانـي مـن الارض خفخـافـي
وقامت هواجيس الضماير تجـي وتـروح
وقمت ابـدع القيفـان قـاف(ن) ورا قافـي
اوسع بها صـدري وانـا خافقـي مجـروح
اجـر اللحـن واللـي خفـا فالحـشـا خـافـي
لعـل البـروق اللـي لهـا فالغـداري ضـوح
تخيـل علـى دار(ن) لهـا القلـب ميـلافـي
على ديرة(ن) نسمة هواهـا تـرد الـروح
ولـو هـي عجـاج وحـر مـا هيـب تنعافـي


ابن عون

ونويت ابدي المشراف مع مبعـدات الشـوح
لكـنـه وعــر والحـيـل وانــي وانـــا حـافــي
من الوجد اخو تركـي يجـاوب حمـام الـدوح
وانـــا عـبـرتـي مـثـلـه نـكـسـر بالالـجـافـي
بعـد جبـت يـا سلطـان قـصـة سفيـنـة نــوح
رحـل مـن رحـل منهـا وحنـا عـلـى القـافـي
تكلمـت عنهـا يـا حلـيـف الـوفـاء بـوضـوح
ولا ودي اعـقـب عـلــى شـرحــك الـوافــي



الله الله

ياسلااااااااااااام شعر يرد الروح



سلطان بن دحيم & عازي بن عون


شعراء الاصالة

صحت قلوبكم وعقولكم

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن