مدح في الامير نايف بن فيحان بن ربيعان
الراس من صوك التفاكير خاوي = من كثر ما ينهل لها من فرظها
وروابعٍ ٍ منهن بحالي سطاوي = وارد سهمهنه ضلوعي لحظها
منه مرضـي ماكنهوب متشاوي = أجاهده لين إن روحي قرظها
فيـّه من أحداث الليالي شكاوي = ما ينقص إن ما زاد عندي مرضها
أركت على كبدي ظرير المكاوي = وزادت علي إلا إن ربي خفظها
وان قلت من صبري بقالي شلاوي = علي ركضات المسبب ركضها
ركظات منهنه صوابي مخاوي = صوابٍ أرداني ونفسي غمظها
عن العلاج أحظا بعذر المداوي = شكواي لو هو محترف ماعترضها
وخيم على اللياس دون الرجاوي = وعزايمي صرف الليالي نقظها
لو كان مال الذل حولي حراوي = مير الحلول الوقت عني برظها
واصبحت مالي حيلةٍ فالمقاوي = ونفسي تلقت منه درسٍ وعظها
ما كنت في نطح الصعائب مراوي = ولا اتبع نظر عمى العيون وغمضها
ما كل من ينعت مداوي يداوي = ولا كل من يندب لشكوى رفضها
كلٍ على مقدار عرفه غناوي = وروس الجبال تشوم عن منخفضها
اللي على شاهر قممها شفاوي = أخشا الخطر لين ألتجي في عرضها
ونـهظت لطوال الشواهيق ناوي = واخترت عن زبـنة بعضها بعضها
شاهوق دونه ما حداني حداوي = لين إن دعو اي أبلغه عن غلظها
وأن قيل منهو فيه ما نيب غاوي = لا والذي خمس الفرائض فرضها
هذاك من ينعت خيار النشاوي = يملك عموق المرجله ما أقترضها
نسل الشيوخ محققين المناوي = عنهم ورث بيض الدروب وحفظها
أبوه لخصال العظيمين حاوي =صفات أبو نايف وصل ما أفترضها
المجد ميكاره منه فالعلاوي = رام الجماله والشهامة قبضها
وجده ليا أستعصت كبار البلاوي = عنه الحمول الكائده ما نفضها
يبرك لها مثل البليهي رهاوي = كم قالتٍ ترقى سنود وخفضها
والجد الآخر يوم شهر العزاوي = له هدةٍ مثل الصواعق قظظها
يفرح صديقه فالنهار القصاوي = وجدى عدوه قنبتٍ له جعظها
ومن كان في هاك العرين متساوي = هيبات سادات العرين إحتفظها
وشبل الأسود إبها وثيق العراوي = هاماتها وعزومها ما نقضها
ولا دون عذبات الموارد ملاوي = عنها يجي عند الموالي عوضها
عد العدود مبرهجات الرواوي = فيضه رهي ومنهله من فيضها
نايف فرح قلب الظهيد الحياوي = هو منُتها شكوى البيوت وعرضها
هو مورد الشكوى وفوق الحظاوي = على جنابه فالبيوت نعرضها
تهون قدامي غـلاظ الدعاوي = ليا من حجانه لعلمي نهضها
ما جيـته إلا يوم وضعي قساوي = غيره دروب الكود من يعترضها
يا طيب المبدأ بعيد الهقاوي = ليا حملت سود الليالي غيظها
زومان تلقا في حماه النجاوي = وان جا نفت عوب الحمول إنتعظها
واسلم وسامح يا سمي النداوي = وازكا تحية لك فؤادي نبضها
للشاعر / محماس العضياني
« آخـــر الـــمـــشـــاركــــات »
26-Apr-2009, 11:20 AM
كلٍ على مقدار عرفه غناوي .....وروس الجبال تشوم عن منخفضها
العرض العادي
