كبتن عتيبه × علي فلاح العضياني ( مباشرة)

[حاكم الغنامي]

كبتن عتيبة

ســـلام ردَّيـــه تُـمْــرّ ومـرّهــا مـــرَّ الـسـحـاباللَّـي صـدور النـاس مـن حبُّـه تفيـض وتمتلـي!!

عسى حضورك يا علي..مثل المطر عقب الغيابأُمَّــا حـضــوراً هـكــذا..ولاَّ لا تـحـضـر يـاعـلـي!!

علي فلاح العضياني

يا مرحبا ترحيبـةٍ يحسـب لهـا الكبتـن حسـابعلى سلوم أهل الكرم و الجود و المخرج ملي

مـا ينقفـل للشّـرّ بـاب و ينفتـح للخـيـر بــابإلاّ ليـا جيتـك و أنـا طـيّـب و حـظّـي معتـلـي

كبتن عتيبة

الليـلـه أنـتـه فاختـبـار الشْعـر..وسْـؤَال وجـــوابعلّـل,, ودلّـل,, وأشـرح الأبيات,,وأكمـل مايلـي..!!

مانـي بقايـل ياعلـي..لـن رحــت جعـلـك للـذهـابلن رحت ننحر لك جمل..وان جيت نذبح لك طلي!!

علي فلاح العضياني

إن كنت ابو زيد الهلالي ... معك إبن غانم ذيابلا تحسب انّـك فـارسٍ فالمعركـه مالـك حلـي

إن غبت عنكم صارت أيامك مثل لون الغـرابو ان جيتكم كـل الظـلام اللـي عليكـم ينجلـي

كبتن عتيبة

يافـارس الفرّيـس ياللّـي لا تـذل ولا تهـاباستسلـم الليلـه لـنـا والاّ نلقـيـك الخـلـي!!

ما ادوَّر الشلفا ليا حصَّلت مصقول النصابوأنت ابتليت ثبيت مير الله يعين المبتلـي!!

علي فلاح العضياني

لا والله ألاّ حطّـك الله بيـن ضـرس و بيـن نـابحيلك برد فـي ساعـة الشـدّه و كبـدك تصطلـي

شمس الحقيقه مـا حجبهـا لا غيـوم و لا ضبـابصارت مثل ما قلت لك ما هي مثل ما قلت لي

كبتن عتيبة

يامبعد الجنّه عن الغاوين ياقـرب العـذابمير أنت حدَّد منزلك قبل تحـدَّد منزلـي!!

أنت مولّع فالحياه وصارت أحلامك سرابلكن خلَّك فالمحانـي والله الوالـي ولـي!!

علي فلاح العضياني

يا كبتن عتيبه ترى ما فيك زود عن الشبـابفي كل ليل أقلقل الشعار فـي زيـت القلـي

من يحسن بدنيـا يجـزاه الله بحسـن الثـوابعملك في دنياك وشهو ؟ مالك و مال عملي

كبتن عتيبة

أثـر جنـاح الصقـر ماينعـد مـع جنـاح الذبـابحسب كلام صحيبنا اللّي داخل الزيت يغلي!!

شعر الدجيما سبَّب الكم يابني روق أكتئيـابتبكـون لا اوحيتـوا قصيدة(واوجـودي ياهلـي)

علي فلاح العضياني

تحذف ... بعد ما طحت فالطاسه و غثربت الشرابعلـى مـا قــال المالـكـي و الشافـعـي و الحنبـلـي

لفّيـت و انتـه تطـرق ال(200 ) و أحـدثـت إنـقـلابعقلـك خفيّـف مثـل عـقـل المنـقـره شـاعـر بـلـي

كبتن عتيبة

الله يسامح من يحسب المخطيه مثل الصوابيالشاعر اللّي عشت فالحرَّه وجدّك في حلي!!

كبرت وهانت ياوسيع المعرفـه والقـاف شـابوهداج تيمـاء مانقـص ياللَّـي تميحـون الدلـي!!

علي فلاح العضياني

راع الخطا وش لون يبدا بالتشرّه و العتـابهذاك جـدّك و انتـه بناخيـه مـا هـو جـدّ لـي

لا و الله ألاّ طاب فالك في هذاه الليل طابعليـك شدّينـا الحمـولـه يالبعـيـر الساحـلـي

التوقيع

سبحــــان الله وبحمدهـ hakem81@live.com