قصيدة رثااااء فقيددددددد الخليج

[منصور الرياحي]

--------------------------------------------------------------------------------

ايها الاخوة


السلام عليكم ورحمة الله وبركاتــــــــــــــــه

الحمد لله رب العالمين بالسرّاء والضرّاء

لا اطيل عليكم الكل يعلم ماذا حصل بيوم 6/1


(الاوهو وفاة الغفور له باذن الله شاعر الخليج والبقوم///فيصل الرياحي

ولكن بالنسبة لي مرت الايام وانا لم اصدّق بوفاته

ليس اعتراض على حكم الله سبحانه ولكن لا ادري لمااذا؟؟؟؟؟؟؟؟؟؟؟؟

ربما لاني كنت بجانبه اثناء وفاته .........


ولاكن الحمد لله رب العالمين

هذه ابيات موجهه الى خالي ابو خاالد الشاعر / طامي بن مهل الرياحي واقول له من هذا المنبرر مشكوور ياابو خالد وعسااك ذخررر وبعد الابيات قصيده اخرى


مل قلبن في ضحى السبت ياخالي جــــــــزم ..... وخيـّل اخيال المصايب على راسي ضحــــــى

ومل عينن هلّت الدمع من غبن ونـــــــــــدم ..... لفّت الدنـــــيا عليها كمــــا لف الرحــــــــــى

ومل روحن عافت الزاد لو حلــو الطعــــــم ..... وابحرت بي رحلة الياس والليـــل انتحـــــى

في نهار السبت حالي شبيهه بالعـــــــــدم ..... مات عمّي والزمن فالرياحي مااستحـــــــــى

ودّي اني فدوتن له لكن مالله قســــــــــــم ..... اودّي ان فكري ياخالي بموته ماصحـــــــــــى

لاعني وقتي ياخالي بعم ونعم عــــــــــم ..... والله ان يبطـــــــي وزوله فبالي مانمحـــــى

__________________________________________________ ______





يـارب يامـولاي ياعالـم الغـيـب

بديـت باسمـك بــالاه البـريّـه

بديت باسمك قبـل نظـم المكاتيـب

واسلـك يامـولاي عفـوك علـيّـه

ويامل جرحن بين عـوج المحاديـب

فـي يـوم ستـه زاد شـرّه عليّـه

صعـب(ن)دواه ولا تفيـد التطابيـب

واعلاجه اللـي حـط فوقـه بنيّـه

ليته يعـود وجـرح الايـام بيطيـب

وانـا فدالـه ليـن ماطـى حـذيّـه

في يـوم ستـه كـدرن المشاريـب

واجتاحني جرح الفـراق اضحويّـه

رمح(ن)طعني مثل شلفـا تراحيـب

من ضربتـه قلبـي تزاعـج ادميّـه

يوم(ن)على منصور مشؤوم واصعيب

يوم(ن)جلـب لـه نكبت(ن)عالميـه

اشوف عّمي ماسكـه دنقـل الجيـب

وانا صويـب وصعـب ليّـه مجيّـه

انخـا واردد وينكـم ياهـل الطيـب

وامشـي واطيـح برقت(ن)جرهديّـه

والدم من راسي غشاء الثوب والجيب

اصحى واغيّـب بيـن هـذي وذيّـه

شالوه قدّامـي وانـا بـي لواهيـب

طريح وانخى فـي ارجـال الحميّـه

وجينا لمشفى الخرمه وزدت تغييـب

الحـال ينقـص والمصيبـه قويّـه

اعدي مع الاسياب واشلّـح الجيـب

وانشـد ولاحـد(ن)رد بالعيـن فيّـه

انشد عن اللي ينطح الجمـع لاهيـب

واطلب مـن الله جعـل مابـه اذيّـه

قالوا توفّى قلت وشلون ابـا اطيـب

جرحـي عطيـب وعلتـي داخليّـه

وصبت دموع العين مثـل المغاريـب

وونّيت ونّـت مونس(ن)سـم حيّـه

ومن هول ماجاني رميت الأساليـب

عاري جسد والوقـت شـرّه عليـه

عليك ياعمـي جروحـي معاطيـب

وعـزا الله انـه راح منّـي شفيّـه

قد قالهـا قدمـي زبـون الاطاليـب

مازهملـت مثلـه يديـن ابقمـيّـه

واليوم انا باقول يااهـل المواجيـب

تبطي النساء ماجن بشيخـن حليّـه

من لا انجبت مثله فلا تنقل الصيـب

ولو كان سموا مابعـد جـاء سميّـه

وجدي على اللي حط تحت الطواليب

ياليتنـي قدمـه حصـدت المنـيّـه
ا
بكيـك ياعمـي زبـون المطاليـب
ا
بكيك دام النفـس والشمـس حيّـه

ويبكيك عود(ن)قد كسى راسه الشيب

اخـوك غالـب باليـتـه البلـيّـه

يبكي عليك اليـا سجـد فالمحاريـب

ويدعي لك المولى صبـاح وعشيّـه

ويبكونك اعيالك وحـرش العراقيـب

عفر(ن)وبرهـا مثـل نـو ابرديّـه


ويبكونك الاقارب وايضـا الاجانيـب

وكل الخليج اللـي عـرف بالقضيّـه

ويارب يامنشي المطـر والهباهيـب

اطلبـك وابكـي رافع(ن)لـك ايديّـه

ترحـم فقيد(ن)مايدقّـه ولا سـيـب

وانت الكريم وضيفـك اليـوم عيّـه

ارفع يديني لك عسى منـك ماخيـب

يامـن بديـن الحـق مرسـل نبيّـه

ويابدر اخذنا مـن زمنّـا تجاريـب

ماهوب دايم ياابيـض الوجـه فيّـه

والادمي ماله سواء الصبـر يالذيـب

لو كان وقتـه شـن تسعيـن هيّـه
والوقت مايعدل بضـرب المشاعيـب

يـاراس مالـي بعـد مامـات ابيّـه
ا
صبر عسى الله يجبر الكسر ويطيب

هـذي وصاتـي لابغيـت الوصيّـه

شفني ماغير ابدي بروس المراقيـب

من الصبح ليـن يميّـل الفـي ليّـه

اكتم دموعي عن جميـع الاصاحيـب

لين استقل الرجـم بارض(ن)خليّـه

جايز يكـون الدمـع للعيـن تاديـب

وجايز يكون الهـا عـذاب وخطيّـه


اخوكم
منصور غالب البقمي

[الصاطي,,]

معوض خييير يا منصور,,



هذا قضاء لله وقدره,,



وسنة لله في الاولين ولاخرين,,,




ان المنايا ليا مدت مخالبها= تدرك لوكنت في جو السما العالي




يعلم لله انا حزنا كلنا,,



لكن لله يعوض بخير,,ويرحم الفقيد,,




احترامي

[خيال البويضا]

ا لله يؤحم الفقيد
ويجبر مصاب أهله
ودمت لنا مبدعا يا منصور

[ابو فايح]

رحم الله ابو بدر رحمة واسعه واسكنه فسيح جناته

ومعاويضين بخير يا منصور وهذا طريقن كل سوف نمشيه

[محمد العتيبي]

الله يرحمه ويغفر له ..

فعلا هو فقيد الشعر والشعراء في كل مكان ..

صح لسااانك يامنصور ماقصرت

تحيتي
...

التوقيع

للتواصل عبر twitter تويتر al_bargawy@