بسم الله الرحمن الرحيم .
اقدم لكم ديوان الشاعر الكبير/هتّاش بن منير الهروال المرشدي ..
واتمنى ان ينال اعجابكم كما نال اعجابي ..
...
(( صيف الغرام ))
ماجور ياصيـف الغـرام وربيعـه=يانور ياضافي علـى كـل الأنـوار
لوتحصل لي كـل ماأملـك لابيعـه=لرضاك يامياس ماطيـع الاشـوار
ودي بشوفـك لونظـره سريـعـه=والمشكله مانت بقريبـي ولاجـار
أوانت ناظـر بالعيـون الوسيعـه=اللي نظرها فوق عن كـل الأنظـار
ودي ودك والحـواجـز منـيـعـه=دونك يحدونك على النـار والغـار
وانا عليـك عتابهـم مااستطيعـه=أشفق على حالك من الوالـد البـار
خوفي عليك من القسـا والهزيعـه=من ناس ماخافو من الظلم والنـار
حطو هدفهم فـي حياتـك ذريعـه=وانت الضحيه بين عميان الافكـار
ياليـت يجمعنـا اللقـا والطبيعـه=جمعا" له تاريخ ماهـوب مشـوار
على السعـاده والغـلا والشريعـه=يلمنا الله يامنـى الـروح فـي دار
وإن ماحصل هذا غدى العمر ضيعه=بين الرجا والياس ويمين ويسـار
مايذبـح الرجـال غيـر القطيعـه=وإلى على الرجوى ترى القلب صبار
مراسله بين الشاعرين /هتّاش الهروال وعبدالله بن عون ..
يقول الشاعر /هتّاش..
عسااللي فـات ياعينـي كفايـه=من التعذيـب ويصيـر النهايـه
جزمت انساه لوذكـراه حلـوّّه=جزمت اودعه واقفـي ورايـه
ابا اهـدم مابنيتـه عـام الاول=واجنب درب من بـدل غلايـه
بعدمااخلصت له من دون غيره=جزاء الحسنات بالتالـي بسايـه
غريـر ٍغرتـه دنيـاه مـدري=عليه اثركـلام اهـل الوشايـه
مقاريدالعرب فـي كـل ديـره=وضايفهـاتـروج بالـدعـايـه
لياسمع الخبرحضـرت حداهـم=حكوبـه كلهـم مثـل الروايـه
عناصرهم على البث المباشـر=قنـاة ٍتشتغـل مـن دون غايـه
يشيلون الزعل في قلب صاحب=يقول فلان منـي ويـش جايـه
ماخبرفـلان منـي جـاه زلـه=اناوش قلـت ويشنهـو خطايـه
تذكرويش قـال وويـش سـوّا=غدى في صفحـة التفكيرتايـه
وشكا لله مـن ماوحـاه سمعـه=وتغيرمـن بعدتلـك الحكـايـه
وقرريبتعـدويـقـول خـلــه=بعدماوحيـت لقيـتـه قفـايـه
وكـل ٍراح واقفاعـن رفيـقـه=بناللغيـض فـي قلبـه بنـايـه
ترا الاسبـاب هـراج النميمـه=كماوضحت في نـص البدايـه
وانامـن حمدربـي والثنـالـه=مـع النمـام ماسجـل سرايـه
ولالـه مجلـس ٍعنـدي ابيتـي=ولاشاركـت مثلـه هالهوايـه
انالـي مجلـس ٍبيـن النشامـا=زحازيـح ٍتفيدبـكـل شـايـه
رياجـيـل ٍتـصـدركـل وارد=هل الطولات والطيب اجلاسايه
اورد وردهـم والصدرمعـهـم=وبين عصيهم تضرب عصايـه
ابااكتب بسمهم في كـل بيضـا=وابا اقرا طول صوتي بالقرايـه
لوأن الوقـت يدحمنـي بجنبـه=صبرت وللعرب مابدي خفايـه
صبـرت وقلـت لابـد اليالـي=تبسـم قـدم وجهـي فالمرايـه
ترا الشدات تتبعهـا اليسـاري=ويبين النورمن عقـب انطفايـه
ولابـه رجـل مـاذاق بحياتـه=قسى الايـام عقـب الارتخايـه
واناجربت والتجريـب يغلـب=على تعليـم واطبـاب ووقايـه
من التجريب يطلع كل عـارف=ماحدالعرف مـن دون اسننايـه
لكني ذقت من وقتـي تعايـس=عرفـت ابهانياشيـن الرمايـه
ضحكت فجور وابكتني ضهاري=وفقدت الضحك في تالي ضحايه
نهار ٍفيـه عنـدي راس مالـي=والاخرفيـه ماحصـل عشايـه
ونهـار ٍفيـه مقيالـي بفـيـه=والاخرفيـه مدركنـي ضمايـه
على الاقدام جري ٍفالصحـاري=واخف اقدام رجلي من حفايـه
قطعـت بحوروجبـال وفيافـي=وحيـد ٍلاسـلاح ولاحمـايـه
ادرهم نوب والانـوب دوبـي=ماعاد القا الجهد واضلم سمايـه
سواد الليـل يضوينـي ويقفـي=يجي ويروح مايعطـف علايـه
وقفت من الدهرمكسورخاطـر=صدوف الوقت لاعنـت ٍثوايـه
لكـن اختـرت ملفـاً للرسالـه=ابونايـف مــلاذي يـاذرايـه
لياجا العلم ابن عون ووصل له=يدبرهاعلـى كيـفـه ورايــه
عريب الجد مـن روس ٍتسمـا=لياناديتـلـه يسـمـع نـدايـه
تخيرته علـى الروقـه وبرقـا=عليـه اسنـدت واشهرمعنايـه
واباختمهابـذكـرالله واكــرر=صـلاة الله وتسليمـه نهـايـه
على محمـد نبـي الله رسولـه=هدانا الله علـى دربـه هدايـه
رد الشاعر عبدالله بن عون
رهين اليـل مقصـيّ ٍقصايـه=ولابـه مـن يقاسمنـي شقايـه
وحيـد ٍلامجيـب ولامـنـادي=ينابيـنـي ولايسـمـع نبـايـه
خلـي الهـم غرقـان ٍبنومـه=وانامتعكـر ٍصافـي صفـايـه
يغيـب نجـوم ونجـوم ٍتبيّـن=وانا مازلت في راس مغزايـه
امضّ اليـل مـع شتاهجوسـي=هجوس ٍرايحه وهجوس جايـه
احسب اني على المردود مرهي=لاشك مع الاسف كمل رهايـه
لياحصلت عند الروس مقصـد=مريكاينقـطـع منهـارجـايـه
ولوثمنت في بعـض المعانـي=يباينقص عـن الوافـي وفايـه
بعد برقت في معنـا القصيـده=ودرسته من خلايه في خلايـه
بقالـه صـورة ٍفالنفـس حيـه=تراودني صباحي مع مسايـه
ولوتفسيربعـض الامرغامـض=واناللغيـب ماعنـدي درايــه
تحريت القريب من الحـراوي=وطلع شمس خلت عني دجايـه
وتبيّـن مقصـدي والحـمـدلله=وسيرته على حسـب انتحايـه
ودريت ان العتيبـي ماشكالـي=على حسب الدعايه والفوايـه
شكالي من ضـروف ٍكارباتـه=بشكواًماينـصـيـهـاسـوايـه
مثا ماخصني من دون غيـري=يقـول انخـاك ياخيراعونايـه
واناعيناه فـي كـل الدعـاوي=ولوماسد عـن حالـي عطايـه
بعد ماحطنـي ملفـا الرسالـه=عنه مـاوالله اذخرمـن قوايـه
وعلى طاري مراسيـل النمايـم=وشـاة السومافيـهـم عبـايـه
يحبـون التحسـس والتجسـس=مباحثهـم تغطـي كـم ولايـه
يزيـدون الكـلام وينفصـونـه=شنـاة ٍخيـر اساميهاوشـايـه
تراربـي ذكرهـم فـي كتابـه=وبيّن فعلهم فـي نـص الايـه
هـم الهمـازه اللمـازه اللـي=يحبـون الاشاعـه بالشنـايـه
لواهـم عنـك ياهتـاش مقفـي=بعيد ًعن لـواك وعـن لوايـه
عسـا ربـي يخطريناخطرهـم=اناوانتـه وربعـي واقصرايـه
واناقد قلـت يالهـروال كلمـه=من اشعاري وانا فـاول صبايه
ترابعض العرب قربـه مغثـه=يجيه عن السنع مثل العصايـه
يعاملنـي بسـلـم ٍماعرفـتـه=وهو ماهوب من شكل اعملايـه
مثل وأصل والمثل ماهوب يمّك=تطمـن يابعيـد عـن الدنـايـه
ولاقلته على حسـب التفاخـر=على العرّاف لو طاب امحاويه
ولو شبري مع العرّاف راهـي=وربعي صارف ٍ عنهـم ردايـه
أنا وشلون ابا ألقى الصافي اللي=ليا ارضيته تجّهد فـي رضايـه
ولـو حتـى بتسنيـد القصيـده=مساجلتـه علـى غايـة منايـه
وأنا أغلي لي من الشعار واجد=تغلغل حبّهـم داخـل حشايـه
وهم يـدرون لـو ماسايلونـي=مدى مجرى غلاهم في دمايـه
يجـوز أن المحبـة ميزتـهـم=على الباقين من روس ازملايـه
وابه شعـار واجـد بالحقيقـه=تقوس الشعر بأطول من رشايه
لبخص حقوقهم مانيب عـارف=ولاعندي علـى هـذا جرايـه
وأقول الشعـر ياهتـاش متعـه=ليا وافق هوى أصحابه هوايـه
وأنا من ضمن ناس ٍ ينظمونـه=ولا أضمن لاخطـاي ولاقدايـه
أوّفق للهدف صدفـه وأصيبـه=وبعض امرار ياكبـر مغدايـه
وأبا اختمها بذكر اللي رجيتـه=نهار البعث يدمحلـي خطايـه
وقصيده اخرى
سمرسـامـري ٍباسمراللـيـل وقّعـنـي=سمرفي سواري سور الاضـلاع واقعتـه
سرابي سراب الياس ليـن انـه اودعنـي=صحاصيح صرداح ٍ صدى الصوت لاذعته
اخذت احتري واحترت والليـل خادعنـي=وانالودريـت بخدعـة الليـل ماطعـتـه
تماديت في مسـراي والـدرب ضيعنـي=بغيت الرجوع ومنـزل القطـب ضيعتـه
تمنيـت لـو القـا طـريـق ٍيرجعـنـي=على ماقف ٍفيـه اجمـل الحـي وادعتـه
اضنـه بعـد طـول الليالـي يسنعـنـي=واناحيلتـي بـه ويـش لوكـان سنعتـه
انادون وصله بعـض الاحـوال تمنعنـي=واضنه سواتي بعـض الاحـوال مانعتـه
انـا منتـحـي وبعـيـد والبعدقالعـنـي=غريـب ورجــاوي والمقاديرقالعـتـه
تمنيـت لــو ان اللـيـال تطاوعـنـي=علـى رغبتـي والنـاس كـل ٍورابعتـه
نصيـت الدياراللـي هـواهـا يمتعـنـي=غـلا الدارواهـل الدارلامـوت مابعتـه
احـب الرفاقـه والرفـاقـه تسمعـنـي=بعـض هرجهاميـر اكتـم السدماذعتـه
انالي مقام ٍمـع هـل العـرف رافعنـي=ولوقـال قايـل كـن ماذنـي بسامعـتـه
ابـــا اقولهاوابغاالاجاويدتسـمـعـنـي=على شان يـدري واحـد ٍشـاع شايعتـه
عسابالجماعـه جلـسـة العزتجمعـنـي=اباحكيلهـم بأسبـاب غيـض ٍتجرعـتـه
واباكلمـة ٍمـن راعـي الحـق تقنعنـي=ولوصارحقـي مـن ورا العاقـل اقنعتـه
ابـا اقولهـا مـن جـد ماهوكذايعـنـي=ترا المتن متنـك والعصامنـك موجعتـه
واناشيمتـي عنـد النشـامـى تسبعـنـي=والي قيمة ٍراسي عـن الهـون رافعتـه
يامـل قلبـن كـاثـرات وروده=والصادرات ليا عطشـن وردنّـه
مايتركنه ليـن يصفـي ركـوده=امّـا ضونّـه بالمسـا صبحّنـه
لين ألحقن بجمتّـه مـن عـدوده=شربن صراته والغريـف تركنّـه
قلبي صروف الوقت باحت سدوده=وان جا يخف الواقعه جـر ونّـه
جاهد همومه لين كلّـت جهـوده=واليوم بـان المتّقـي وأفضحنّـه
العام يخفي علّتـه عـن حسـوده=واليوم صكّـات الدّهـر غيّرنـه
من يوم في ّ الشيب بانت شهـوده=قام يتلاوح بأوسط الوجـه كنّـه
نور الصباح اليـا تبيّـن عمـوده=قبل الشروق ودبّـح الليـل عنّـه
والشيب نور ٍ للوجيـه النـدوده=يلزم على الرجال من كبر سنّـه
من شبّ شاب وكل نبت ٍ وعـوده=وشيب الوجيه البيض يحلى بهنّـه
واليوم غرب الشيب جتني وفوده=حيّيتهـن بإخـلاص وأكرمتهنّـه
أقفى الشباب موشّر ٍ دون عـوده=مـن ودّع أيـام الصبـا ودّعنـه
ماعاد باق ٍ كود ذكـرا ً خلـوده=بأقصى خفايا ضامـري مستكنـه
رسم الزمان ونقش بيضه وسوده=على سويـدا القلـب ميقاعهنـه
يوم الشباب مثبت ٍ لـي وجـوده=ودّعـت قلبـي للبنـي وأهملنـه
واليوم عفت الحب نقصـه وزوده=مقفـي وغيـري مقبليـن ٍ لفنّـه
رجعت للي ترتجي الناس جـوده=أرجيه عطفه والرضـا والمحنّـه
مرس الجبال النايفـات ونفـوده=على بساط القـاع يعـرف بهنّـه
خلا ّق رزّاق البشـر ومعبـوده=واليا وَمر بالجود ماحـدن يمنّـه
يرد للكايـد علـى الديـن كـوده=بأمره عواصيف الهوى طاوعنّـه
أهلك ثمود وعاد وأهلـك جنـوده=وبعث نبي ّ ٍ سـن للديـن سنّـه
يارب عبـدك ماتشيلـه عضـوده=مافاق ليـن إن الخطايـا غشنّـه
يارب حل الذنب وأطلق عقـوده=وبدّل لـي السيّـات بأحسانهنـه
ليا جا نهـار ٍ ماتوجّـل وعـوده=تحصى النفوس وتوزن أعمالهنّـه
واللي عماله صالحـه ومحمـوده=ينزل مع الأبرار حـور ٍ وجنّـه
قال من يبني ويرفع عمود البيت فـوق=رغبته في العاليه مـا حـدر للنازلـه
ساق ركبه في طواريق هاك القوم سوق=درب عشاق العفايف عطـاه وجازلـه
للعلوم البيض واهل العلوم البيض شوق=والعلوم السود مـا تدرجـه وتغازلـه
خابرٍ كنز الذهب ما يبور بكـل سـوق=راس مالٍ في يده وقـت مـا يعتازلـه
ما يخيل با اظلم الليل كشاف البـروق=كانها عـن ديرتـه مقفيـه ومجازلـه
لو بغا مرباعها صار في قلبه حـروق=مـن لغيـر لا يطيعـه ولا ينحازلـه
طارد المقفين خسران لو يقوى اللحوق=لو تعدا نجد صار الحجـاز حجازلـه
وكل راعي دار قلبه على داره شفـوق=يعتلي بـا اطلالهـا وارظهـا منازلـه
قلت آه من هاجوس قلبي وضيقته=اللي بهـا يملـي عليـه حقيقتـه
لا هيب لا مره ومـره وتنتهـي=دايم دوام الـدوم هـذي طريقتـه
قلبي تجيبه نظـرة العيـن لوهـا=لو هي بعيد تقول كنهـا مويقتـه
ما ينعذل عن حب ملهوفة الحشـا=عاشق ولا ادري ويش نية عشيقته
اول تقول إن الغلا فـي عيونهـا=وتالي يزود الشوق منها حريقتـه
مدري جفا سؤال وش داعي الجفا=ولا لحقها شر من هـي طليقتـه
قولها لها عنى وعن سوء حالتـي=أضنهـا تعطـي هوانـا وثيقتـه
قولو ترى المجروح يا بنت هايفت=روحه وضاعت من يدينه عتيقتـه
يا بنت مالها غير لا ماك عافيـه=يطيب لـو انـك بقيتـي رفيقتـه
لو بالكلام الزين يا بنـت قابلـي=وان عاظبت ما كنك إلا شقيقتـه
اليتيمة جرت الصـوت وابهلـت العطـوف=الحقيقـة مـوت أبوهـا ولا مـوت أمـهـا
الحقي يا زرق الأقـلام وإبـداع الحـروف=بالمفيـد المختصـر دون كـيـف وكمـهـا
العوارف ما تبـي علـم والرجـل العـروف=مــا يخليـهـا تـعـداه ثــم يخـمـهـا
لو جمعنا شملهـا مـا تميـل مـع الشفـوف=يطـرد الظلمـا سفرهـا ولا احـد يهمـهـا
صح أقول العالـم الرابعـة لـولا الظـروف=مـا تغيـب الشمـس عنهـا ولا مـن يمهـا
احسن الخضرة وطن واكرماء الناس الضيوف=اسمهـا واقـع كـذا يـا مسـمـي سمـهـا
يجمع الشواف واللـي يـوزع مـا يشـوف=وحـده فـي ثوبهـا واختهـا فـي كمـهـا
الله اكبـر كنهـا لا حــرام ودم جــوف=موتهـا مـن خالـهـا والمـدبـر عمـهـا
ويش باقي ما ظهر من ورى سـود الكفـوف=الخطـيـة مدحـهـا والمصيـبـة ذمـهـا
يا بيت الاجواد وين اللي بنولـك طيـب السـاس=وروس الرجاجيل ما عاشوا مـع التالـي علايـق
ما هانوا الروس والناموس يرفع هامـت الـرأس=ألا علـى مـن يبيـه ولا عرفلـه غيـر لايــق
الي يقول الكبير مـن العـرب ماعنـده إحسـاس=قولو برأي الجميـع لا حضرتـه يقـرا الوثايـق
والناس ما تضحك إلا مـن فقيـه يطبـخ الفـأس=والكـل يعنـي جنابـه والبنـادم غـيـر فـايـق
لازم نقـول الحقايـق والحقايـق تزعـل النـاس=لكن ولو كـان يزعـل نـاس يـا زيـن الحقايـق
أهلا وسهـلا نقدمهـا ليـا زعلـو بـالا ونـاس=نخلـي سبيـل السجيـن ولا تلاقـيـه العـوايـق
يحمر وجه الصغير والقصيـر كيـف يـن قـاس=تشـد لامعـة حمـاره بالحـرارة كـل سـايـق
يضرب بها أخماس وألا يا سفى يضرب بها أسداس=لا فـرق بيـن الاشقـى فالمضاجـع والشقـايـق
قل ليش أقول السماء والقاع تنضر ما بهـا بـاس=تعاف عيشـت هـل الدنيـا ألا جنـه لـو توايـق
العالم العالـم الله فـوق نصـف العالـم أجنـاس=عـادي يعـش الكثيـر بغيبـة الإحسـاس رايـق
مشاهد المصخرة فاللـي يطـق الكـأس بالكـأس=ماشي على وين قال اصلي من الوقـت متضايـق
ما شوف لي بين روس القوم يوم أتشوف مجـلاس=واليبـهـم يالهبـايـب وجدعيـهـم بالحـرايـق
مـادام هـذي طلايعهـا ضنـاوي هـم واتعـاس=الهـم طرايـق توديهـم وحنـا ألـنـا طـرايـق
يوم أشار المستشـار وقـال قـول=قلـت نـوه بالخبـر يـا مستشـار
دام أنا ويـاك فـي حالـت ذهـول=والحقيقـه بيننـا مـثـل النـهـار
ودنـا نقضـي المشاكـل بالحلـول=لين ما يبقى علـى القصـه غبـار
يومها نعطـي الرسالـه للرسـول=ونتمسـك فـي النهايـه بالـقـرار
حينها نرقـى بعـد هـاك النـزول=ونتخطى جبهـت الغـازي جهـار
هاذي الي ترضي القلـب الزعـول=حين يأخـذ لـه مـن الأيـام ثـار
يصبح الخفاق فـي العليـا يجـول=ناسي الي في قديم الوقـت صـار
كل ما قف للسعـاده فـي القبـول=في اليمين تروح وابقى في اليسـار
عشت في حضن الندم عشرين حول=ما كتبلـي فـي مغـازي إنتصـار
درت بلدان العرب عرضٍ وطـول=أتنقـل مـن مطـار إلـى مطـار
في طلب هيماً علي مثلـي جفـول=ترتكب عني إلـي أقبلـت الفـرار
دللـت غيـري بزينـات الـدلـول=تختصر له طايل الـدرب إختصـار
وفرشت لـه عقـر داره بالزلـول=وجعلت له مع هل الأشـوار شـار
ولبست له فوق زين اللبـس لـول=وشعلت له في سـواد الليـل نـار
ورخصت مقـدار ذربيـن الفعـول=مـا تعاينهـم بعـيـن الإعتـبـار
لعن ابوها مالهـا طـرف خجـول=سعد من هو مـن بلاويهـا مجـار
ما رمت بـه فالمزالـق والوحـول=كـل مـا ترقـى تذبـه فإنحـدار
واهنـي اللـي بعشرتهـا جهـول=أو تركهـا مـع قصيريـن العمـار
ما شكى منها علـي حالـه ميـول=ولا حجز فيها علي الدور إنتظـار
مل منها صاحـب القلـب الملـول=حـار فيهـا وختنـق والـدم فـار
مثل حالي كم شكاها مـن زحـول=الرجـال اللـي لهـم قـدر وقـار
ما مشت معهم على درب الأصـول=عاكستهـم بالوقـوف وبالمـسـار
ولبستهـم مـن قديمـات السمـول=وإحذفتهم بيـن نـار وبيـن غـار
فرقـت بيـن البدايـد والشـمـول=وأخلت الأوكار من شقـر الحـرار
كم عدى باطرافهـا عالـم وشـول=وكم خذت من مقحمت قحص المهار
اغلقت مـن دونهـم صـم القفـول=وتركت بعـض المراسـم والأثـار
ذكريـات للنواشـي مـا تــزول=مثل جـزلآت السوالـف والأبـار
بس أضن عيون بعض الناس حـول=مـا يهمـه لـو تعـداه القـطـار
كنه الي ضـاربٍ كـاس الكحـول=ضاع بيـن المشتـرى والمستعـار
بـاردٍ دمـه وناشـي بالخـمـول=يضرب الطبله على صوت القيثـار
عايشٍ وقته على السـاق محمـول=ما يهمه لو هوى الوقـت إستـدار
ما تقـول إلاعـن النـاس معـزول=والرجالـه مالهـا فوقـه شـعـار
مادرى إن المرجلـه عـدة حقـول=وكـل حقـلٍ حايـلٍ دونـه جـدار
بـس يـا صلهـا شغاميـمٍ شبـول=ما حداهـم دونهـا قـدح الشـرار
من صبر يمكـن لمقصـوده ينـول=ومن صبر ياجد ورى السبر إفتخار
« آخـــر الـــمـــشـــاركــــات »
22-Jun-2008, 01:32 PM
هتّاش بن منير المرشدي...(ديوان كتابي )
العرض العادي
