من قصائد الشاعر جبرن بن علي بن جربوع القحطاني

[مدمن شعر]

يااللي على الشاشه تهيجن باالاصوات=مثل المحرج كل يوم بحراجه
تطلع على الساحه يجي عشر مرات=وتعكر اللي مايعكر مزاجه
دايم على الشاشات في كل الاوقات=وازعلت يابن الناس حتى الخواجه
الامثال قالت في السنين القديمات=الصمت حكمه واللجاجه سماجه
الشعر ماهو صف حكي وعبارات=وبيوت مكسوره وفيها إنعواجه
وان كان هاذا احيا الشعر بعد مامات=فانا اشهد انه ضاع وسط العجاجه
كسر الشعر ماينجبر باالضمادات=ولا يحصل في المشافي علاجه
ياظالمين الشعر عندي نداءات=تسمعو لا عل ياتي انفراجه
ملا يجد الشعر معنى وكسرات=ويعد نفسه شاعر في المواجه
ماهوب عيب يعلن الاعتزالات=وعن ساحة الابداع يطفي سراج
العيب لما جاب الابيات هزلاات=ثم قالو النقاد ويش ذا السلاجه
الشعر بحر" فيه عدة محيطات=ولاكل سباح يقاوم أمواجه
ولاني وكيل الشعر بس اجتهادات=والشعر ماقدم علي احتجاجه
ماني رشيد اللي عطا الشعر بصمات=شعره حكم ودروس جزل انتاجه
قصايده تسوى الذهب والجنيهات=يشرب قراح الماء ويترك هماجه

آخر تعديل مدمن شعر يوم 01-Mar-2009 في 12:39 PM.

[عبدالرحمن الهيلوم]

أبداااااااع

صح الساااااااانه

شكر ا يالغالي

[أبونواف]

صح لسانك .

[مرزوق الجعيد]

ماني رشيد اللي عطا الشعر بصمات=شعره حكم ودروس جـزل انتاجـه
قصايده تسوى الذهـب والجنيهـات=يشرب قراح الماء ويتـرك هماجـه

الله الله

صح السانه

اشكرك مع مراعاة الاخطاء الاملائيه مستقبلاً