حنا وطنا كل ماينخانا - شعر يوسف العتيبي

[مزيد العصيمي]

حـنــا وطـنــا كــــل مايـنـخـانـا = يبطي صدى صوته وهو ماجانا
ياكثـرنـا عـنـد السـوالـف لـكـن = اليانـخـتـنـا الـبـنــت مـاتـلـقـانـا
علـى بعضـنـا مانـعـرف الـذلّـه = وعـلـى الـغـريـب الله لايـبـلانـا
يحـتـل ارضيـنـا ويـفـعـل فـيـنـا = وحـنــا نغنـيـلـه عـلــى لـيـلانــا
غـنـوا يـمـال الـــذل ماغنـيـتـوا = عـلـى جثـثـنـا وادفـنــو قـتـلانـا
لاصـــار لاوحـــده ولاقـومـيــه = وشلـون ماتطـوّل يديـن اعـدانـا
يلـعـب بـنـا هــذا ويلـعـب هـــذا = وتضيـع بيـن ارجولهـم دعوانـا
وحـنـا ولوجيـنـا نـبـي ناخـذهـا = حراسـنـا تهـجـم عـلـى مرمـانـا
تكفون ياهل الدين واهـل السنـه = ســوا ســوات سـواتـهـم ويـانــا
امـا نعيـش وروسـنـا مرفـوعـه = والا نمـوت احسـن مـع موتـانـا
وانــكــان لاجـبـنــا ولاوديــنـــا = نتّـف شواربـنـا وحــك اللحـانـا

شاعر الامه \ يوسف العتيبي

[العــــــــابر]

والله كفووووووووووووووو ومليون نعم

بيوسف العصيمي العتيبي هذا ذيب عتيبه

ويستاهل والله كل الالقاب

شاعر جزل وشاعر شجاعه

سلمت يدينك يالذيب وصح لسان ناقلها

دمت بود

التوقيع

سبحان الله وبحمده سبحان الله العظيم سبحان والحمدلله ولااله الا الله والله اكبر ولاحول ولاقوة الا بالله

[مزيد العصيمي]

كفوكـ الطيب ياذيب وماعليك زود

بيض الله وجهك على المرور الطيب

ويوسف يستاهل كل خير

[أبونواف]

اما نعيش وروسنـا مرفوعـه=والا نموت احسن مـع موتانـا
وانكـان لاجبنـا ولاوديـنـا=نتّف شواربنا وحـك اللحانـا

صح لسان شاعر الامه يوسف العصيمي
وبيض الله وجهك أخوي /ماجد العصيمي

[مزيد العصيمي]

وجهك ابيض

وصح بدنك بالنيابه

وانا مزيد العصيمي مو ماجد العصيمي

تسلم على المرور الرائع

[من عيني]

صح السانك يايوسف والكل يشهدلك ياشاعر الامه

الذي ابكيت الملايين واشدو بشعرك واسلاميتك وامدك الله
بعمر موفر بالصحه والعافيه ونحن متعطشون لجديــــــــدك


وتسلم اخوي مزيد على النقل الجميــــــــل