والنعم بالهيلا من الشرق للغرب-هذا الصحيح وباقي الهرج منفي

[مرزوق الجعيد]

بسم الله الرحمن الرحيم

نعم هذا ما تستحقه الهيلا من مديح
وهذا ماعهدناه من قبيلة حرب ومن عقلائها الذين يعرفون مقدار عتيبه عندهم

وكذالك عتيبه تعرف مقدارهم

بعيدا عن كلام الجهلاء

اليكم هذه الرائعه من احد شعراء حرب

الذي يمتدح قبيلته ويثني على الهيلاء
اترككم مع القصيده

بعض الكلام يذاع بالشـرق والغـرب=واذا تتبعـتـه لقيـتـه ولا شـــي
ماشبـت الفتنـه ولا قامـت الحـرب=وان قيل مات الحق قلنـا لهـم حـي
مايغوي العقيـل مـن ضيـع الـدرب=ولاينقص أهل الحي واحد مـن الحـي
لو ما قناة (الساحة) أخبث من الصرب=ما تلتوي مع عقرب الطيـن بالطـي
ولولا الشرف والعز ياعزوتي حـرب=ماذمـك الناقـص ولا ذمـك العـي
حرب الدول ماهي على مستوى الجرب=نـار العـدو قدامهـا مالهـا ضـي
أنشد جيوش التـرك يانافـخ الـذرب=قبيلتـي هـي الفخـر والفخـر هـي
حنا الحروب ليانقلـب يسرنـا كـرب=معنا شجيـع القـوم ماياخـذ شـوي
بالمعركـة ماننطـح الا أول السـرب=يوم الـردي والـلاش ميدانـه الفـي
نسمع نعيق البوم في قاعـة الـزرب=لكـن مـا للبـوم مـن نارنـا كـي
واللي على شب الفتن خاطـره طـرب=لاهو عميللـي ولا هـو خصـم لـي
ماتجزع الاحرار من قمـزة الخـرب=ولا ينقض العلم الحقيقي خبـر سـي
تبقا شبابـه رفقـه وجيـره وقـرب=وراع الحسـد والله لاهــذي ولا ذي
والنعم بالهيلا مـن الشـرق للغـرب=هذا الصحيح وباقـي الهـرج منفـي

الشاعر/ عبدالعزيز سعد المخلّفي

[عفتان العتيبي]

صح السانه والسانك

وكفووو بالرجال

[عبدالرحمن الهيلوم]

صح السان الحربي الذيب
مشكووووووووووووور يالغالي
وحرب عمله نادره

[ابو محمد الدعجاني]

صح السانه والهيلا وحرب وجهين لعمله واحده تبيع و تشري بسوق المراجل

لا هنت يالجعيد

[الامير حريبيش]

كفو في حرب قبيلة له تاريخ وامجاد وونعم في كل القبايل واحلي تحيه لقبيلتي العظيمه عتيبه

[أبو عمر الأسعدي]

صح لسانك ولسان شاعرها

[بـــرق]

صح لسانك ولسان شاعرها

لو ما قناة (الساحة) أخبث من الصرب ما تلتوي مع عقرب الطيـن بالطـي


لاهنت يامرزووق على النقل

[الهزبري]

والنعم بحرب وعتيبه........ومهما حدث من مهاترات من بعض الجهلاء

تظل القبيلتين محسودتين على الترابط الي بينهم...


اعتقد اكثر قبيلتين مترابطتين هما حرب وعتيبه...

[من عيني]

صح الســانك يالمخلفـــي وعسى يمناك ماتنشــــــل
عزالله انك ماقلت الا الصدق وكثرالله
من امثالــــــــــــــك

[فيـــــ الروقي ـــــصل]

لو ما قناة (الساحة) أخبث من الصرب ما تلتوي مع عقرب الطيـن بالطـي

.................................................. ...............................................

تبقا شبابـه رفقـه وجيـره وقـرب وراع الحسـد والله لاهــذي ولا ذي
والنعم بالهيلا مـن الشـرق للغـرب هذا الصحيح وباقـي الهـرج منفـي

.................................................. ..............................................


في البيت الاول يقصد الشاعر انها قناة تسبب فتن بين القبائل
وفي البيت الثاني يرد الشاعر للعالم اجمع ان شبابه لن تتفرق
مهام حاولو الاعداء بشتى الطرق وان حرب وعتيبه عينين براس

وتقبل مروري ياخوي مرزوق