سوار الذهب وتركي 2000 من المقصود؟؟؟

[ابو فايح]

في محاورة جرت موخرا جمعت الرياحي وملفي وعبدالله الميزاني وتركي 2000 دار طاروق ناري بين الشاعرين سوار الذهب والشاعر تركي 2000

الحقيقه الطاروق ناري وخاصه ابيات سوار الذهب ولكن من المقصود؟؟؟


في تلك الليله وقبل الطاروق يقال ان فيصل الرياحي رفض اللعب مع سوار الذهب !!! هل المعنى في الطاروق هو فيصل الرياحي؟؟؟


او يكون المعني هو ملفي المورقي ؟؟؟اي انا ياعبدالله الميزاني لا العب الا مع حبيب والعمالقه وانت مع ملفي واي شخص يقابلك ؟؟؟

او يكون سوار الذهب وضع المعنى في ابن عمه وخاصه في بيته الثاني؟؟؟


اترككم مع الطاروق ولكم الحكم وانتظر ارائكم وتعليقاتكم


تركي 2000

بعد طالت غيبتك قوم يا سوار الذهب ****قوم ياسوار الذهب والدروب ندلها
انت ودك تشعل النار وتزيد الحطب *****مير حذرا لاتضيع السوالف كلها


سوار الذهب
المهم العب مع الروس ما العب مع ذنب***** واصل الطرقه مع القوم ولا خلها
وش حصل وش ما حصل قبل ينبت لك شنب***** الدروب تزلها والكبود تعلها



تركي 2000
الادب كنز العرب واحليلك يالادب***** يابن عمي كل عله بسيط حلها
انت رجل محترم لا يعنيك الغضب***** والدفاتر خلها لاتزيد تفلها


سوار الذهب
ويش ابا اخذ ويش ابا اجيب من قش الصلب****شجرة الزقوم مانستظل بظلها
ادري انك معك قلاب عيا ينقلب**** تعشق الدنيا زمانين ثم تملها


تركي 2000
طحت لي في مشكله لو ما اعرف السبب*****ويش نعملك والاصحاب وش نعمل لها
لاتزيد النار بالنار ويطول اللهب **** ناس ما تقبل لك بخير لا تقبل لها

[عبدالرحمن الهيلوم]

عموما

شعاااااااااار والله مايجينا منهم خير

قال فيهم من خلقهم
يتبعهم الغاااااااااااااووون

والمعني في بطن الشاعر

سلام لك

[ابن طامي]

والله ابيـات سوار الذهــب قوية .. ومحاورة رائعــة .. لكـن ماندري من يقصـــد ..


[ .. والمعنــى في بطــن الشــاعر .. ]



’’,,


الله لايهيــنك .. يابو فايـح على نقـل المحاورة ..




.

[عكاش]

والله وانا خوك اللي يبين لي من المحاورة انها من طرف واحد وهو عبدالله الميزاني من بيوته كنه مايلعب مع احد

اما تركي دوره عند البربرة


لكن المصيبة بيت عبدالله يوم شاف مافي الحمض احد وقال:

وش حصل وش ما حصل قبل ينبت لك شنب= الدروب تزلها والكبود تعلها

اللي يعرف ماضي تركي قبل لاينبت له شنب يفسر لنا هالبيت رجا

[وافي الخماش]

ابو فايح ..

ما تجيب الا المواضيع الشيقة دايم ..


انا اعتقد المعنى لا في ملفي ولا في فيصل بينه هو ويا تركي ..


ملاحظة المحاورة صوتية كلها تقطيع ما تفهم شي ..

[ابو فايح]

المشاركة الأصلية كتبت بواسطة عبدالرحمن الهيلوم

عموما

شعاااااااااار والله مايجينا منهم خير

قال فيهم من خلقهم
يتبعهم الغاااااااااااااووون

والمعني في بطن الشاعر

سلام لك

لاهنت على مرورك يا عبدالرحمن

المشاركة الأصلية كتبت بواسطة ابن طامي

والله ابيـات سوار الذهــب قوية .. ومحاورة رائعــة .. لكـن ماندري من يقصـــد ..


[ .. والمعنــى في بطــن الشــاعر .. ]



’’,,


الله لايهيــنك .. يابو فايـح على نقـل المحاورة ..




.

لاهنت وعبدالله اعتبره شاعر مطير رغم التجاهل الواضح من الاعلام ومن قبيلته

المشاركة الأصلية كتبت بواسطة عكاش

والله وانا خوك اللي يبين لي من المحاورة انها من طرف واحد وهو عبدالله الميزاني من بيوته كنه مايلعب مع احد

اما تركي دوره عند البربرة


لكن المصيبة بيت عبدالله يوم شاف مافي الحمض احد وقال:

وش حصل وش ما حصل قبل ينبت لك شنب= الدروب تزلها والكبود تعلها

اللي يعرف ماضي تركي قبل لاينبت له شنب يفسر لنا هالبيت رجا

لاهنت على مرورك والمعنى في بطن ابو غازي

المشاركة الأصلية كتبت بواسطة وافي الخماش

ابو فايح ..

ما تجيب الا المواضيع الشيقة دايم ..


انا اعتقد المعنى لا في ملفي ولا في فيصل بينه هو ويا تركي ..


ملاحظة المحاورة صوتية كلها تقطيع ما تفهم شي ..

مرورك اسعدني اخ وافي وتم اصلاح عطل الصوت

[لماح]

يعطيك العافيه يا ابو فايح على مواضيعك الرائعة ..


والحقيقه اللي قدرت افسره هو الشطرالاول لسوار الذهب

المهم العب مع الروس مالعب مع ذنب ..


طبعا هذا الرد جاء نتيجة قول تركي (طالت غيبتك ) وانا من لامحظتي على محاورات عبد الله غازي انه يغضب


اذا سئل عن غيابه .. حتى انا مرة كلمته وسئلته عن غيابه ..

رد علي بقوة وعصبيه ؟!


وفعلا قال لتركي : المهم العب مع الروس مالعب مع ذنب ..

وهو يقصد انه اذا غاب يرجع يلعب مع كبار الشعراء


اي انه يفضل ان يغيب ولا يلعب مع الاذناب



اما بالنسبة لما تقول ان فيصل رفض يلعب مع عبد الله فهذي غريبه ؟؟


يعني هل الحفله هذي ما تقابل فيصل وعبد الله ؟


محاورات فيصل و عبد الله دائما تكون ممتعة .. ولا بينهم شي

ولكن دايم عبد الله يضغط على فيصل حتى اذكر ان مرة من المرات


بعد ما ضغط عبد الله على فيصل قال فيصل :

انا احبك محبه كنها السكر على الفلفل ..


وبإمكانك ترجع لمحاورات عبد الله وفيصل ..


اسف على الاطاله ..


ويعطيك العافيه ..

[عبدالله حبيٌب الزراقي]

المحاوره هذي قديمه يابو فايح

والمعنى في فيصل الرياحي لان عبدالله الميزاني طلب فيصل في قاف وفيصل الرياحي مارد عليه

قام تركي الالفين يهدي الوضع وطلب عبدالله يلعب معاها والمحاوره كلها في هذا المعنى

تسلم على المضووع الجميل ابو فايح