رفيقي اللي لا دعيته يلبي - الهيـــــــــــــلا *** منتدى قبيلة عتيبة

خالدالعصيمي · 27-Mar-2004, 03:27 PM

[poet font="Simplified Arabic,5,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]

رفيقي اللي لا دعيته يلبي "=وقت الطلب ما يعتذر من خويه
لا من زهمته جاك عجل يخبي "=فزة مراجل بالوفاء والحمية
لشدة الأزمة دوايه وطبي "=عند المواقف عزوما قويه
إن جيت عنده في محله حسبي "=وان جا محلي قلت يارب حيه
ماهو من اللي لا نصيت لعبي "=قليل معروفه ونفسه رديه
يجيك في وجه الصديق المحبي "=يقول حاضر غير ويش السويه
يالله دعيتك خالقي وانت ربي "=تقطع رفاقه ما بها صدق نيه

صالح بن عبدالله

-
[/poet]

عتيبي عفيف · 27-Mar-2004, 05:46 PM

الاخ /خالد

جميل ما تنقله لنا من ابداعات للشعراء والله يعطيك العافيه

وهذا صالح بن عبدالله يتحفنا بالقصيده الرائعه

ولك تحياتي عتيبي عفيف

الوليد الاسعدي · 27-Mar-2004, 09:59 PM

خالد العصيمي
لك تحية خاصة فاسمك اصبح ياسرني لجميل اختيارك وحسن كتاباتك.
كثر الله من امثالك

.

التوقيع

و أنا عتيبي من سلالة هـوازن *** ربعي عوايدها الفخر من جدودها
ما نوشي الفتنه ولا نحرث الردى *** ولا نهاب اليا تسامت وقودها
ان ميل الميزان من قوم يمنا *** صبرنا لها لوكان كبرت لهودها
وان ميل الميزان منا على العدا *** نروي من السم السقطري كبودها