ياووووقت حدد مطلبك - الهيـــــــــــــلا *** منتدى قبيلة عتيبة

ابو نواف · 23-Mar-2004, 10:48 PM

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=350% align=center use=sp length=0 char="" num="0,black" filter=""]
يامن لقلب كن في وسطه لهيب "=" نار سناها واصلن سابع سما
أضحك وجرحي مايداويه الطبيب "=" والروح عطشانه ومهلكها الضما
واطرد سراب لا بعيد و لاقريـب "=" لاأرتحت من طرده ولا حصلت ما
والوقت يرميني وسهمه مايخيب "=" يصيب قلبي كل ماكفه رما
يلعنك ياوقت جروحه ماتطيب "=" ويخيب آمالك ياسفاح الدما
ياوقت حدد مطلبك كانك طليب "=" ترا الصدر بحرٍ من همومه زما
وش غايتك ياصاحب الفعل العجيب "=" بعد ماصلت وجلت فاسوار الحما
عنيت رجليني وعيت لاتجيب "=" غير التعب وأصبر لعل وربما
أصبر وحنا اللي نجيبلك الصعيب "=" ياليتني ماسقتها (لأهل ضرما)
ورفعتها للي عليم بكل غيب "=" اللي على عرشه ورا سابع سما
[/poet]

المورقي22 · 23-Mar-2004, 10:53 PM

الله الله الله

ابو نواف

صح السانك

وسلم بنانك

جزززززله من راس جزل يابو نواف

ولك تحياتي

ابو نواف · 23-Mar-2004, 10:57 PM

صح بدنك يالمورقي

وصل العطياني؟؟؟ · 24-Mar-2004, 02:17 AM

صح لسانك يابو نواف...
قصيدة أكثر من رائعة..
أجدت وأبدعت..

لكن هناك ملاحظة :
لعن الوقت ..
وهذا يندرج تحت..
سب الدهر المنهيٌ عنه شرعاً ..
كماجاء في الحديث الذي بما معناه:
(( لاتسبوا الدهر فإن الدهر هو الله ))

تحياااااااتي.

التوقيع