محب الهيلا
..
صح لسان شاعرها .. وناقلها
...
هذه القصيده قيلت في احد ابناء قبيلة عتيبه .
عوض بن حمود الرويس العتيبي
قال الذي حده على بدع الألحان=واشرف على بنات فكري وندبها
يذب صوته بين سجات وإذعان=على طواريق المعاني سهبها
يتل قلبه بالمعاليق شريان تلت=يمين تلها في كربها
في ساعة فيها غفت كل الأذهان=ماحس فيها كود منهو حسبها
شوارد المعنى ثقيلات الأوزان=يشدها هاجوس فكرن سكبها
شاب الورق من مات قلبه ولا لان=ارهى على الجزلات حتى كتبها
يسأ ولته قل مافيه سلوان=بأسباب من قل السبب في سببها
اللي تسبب لي بهجره للاعيان=جعله وقود النار وأول حطبها
ترف الصبا عذب اللما مطرق اللبان=مياس قد وكم قلوب عطبها
سبحان من صور جماله وسبحان=أنا اشهد أن ألي عطاها وهبها
لاجيت أقارنها مع البيض شتان=شتان مابين النحاس وذهبها
واليا وقف رمح على راس مابان=واليا مشى درج القطا ماعجبها
أرواه ربه والبهى فيه ريان=قام يتغطرس بالعيون وهدبها
فريد جنسه مانخلق مثله إنسان=ياكبر حظ ألي ولاها وكسبها
تبقى لها ذكرى على مر الأزمان=بنت الرجال ألي رفيع نسبها
أدمنت حبه لين عديت الإدمان=والأرض ضاقت لو وسيع رحبها
قم يانديمي بالملازيم والشأن=حملك ورق وآنا عليه تعبها
اركب على نتر مواريث الألمان=بالكاش مشتراها مارجي طلبها
من وارد الناغي ماهي بحوش عمان=ياكم عيون ليا تحلت رهبها
أن قلت صنعها ماهوب انس من جان=فوق المواتر صاغها ثم غصبها
كنها عذرى تماري بالأ وجان=بالمعلبة ماحولها من هزمها
من فوق فـــل اكشن ميلان=الرابح ألي جابها من نجبها
تنزع من الباطن وتسري مسيان=وتقوي اللي للمسافه ركبها
بي أم سبعميه وخمسين حصان=بين المواتر ماذكر من غلبها
ثم تلها تلة شفوق وحدمان=بالي هوا باله تنحى جنبها
كنها دعجن هوت بين عقبان=شيهانة من جا عشها مارعبها
اسرح مساريح القطا يم نجران=ديرة رجالاً فعلها ماحجبها
واضح محله مايبي وصف عنوان=تلفي على ألي ماتغره رتبها
قله ترا ذا الخط من يم سلطان=وانتم تحلون البلش من نشبها
لا ياعوض ياصاحبي ياكحيلان=انته عوض نفس تزايد غضبها
انته شبيه الذيب والذيب سرحان=عدى على روس الطوال ورقبها
تبذل يمينك ماتغاليت الأثمان=يمنى على فعل المراجل طربها
يمناك عدت بك ولك كم برهان=ماجور ياعود جذبك وجذبها
روسان ياجاهل عن أفعال روسان=حموله ماغاب عنها شببها
اشكي عليك الحال من كاين كان=مسروجةً واشيب قلبً رغبها
ماأنساه لو تنسى بني يام شيبان=ولو ينقل الباطن وعوجاه بابها
ولو ينتقل لدبي سنجار وأبان=وبرج العرب والعين عندي عزبها
ولو تنكر المطران عرفا وعوجان=والصلب والصمان وأقصى هضبها
والشمري يزهق بحايل وبرزان=ويترك معا ميله عقب ماخضبها
ولو يطردون الضيف طلقين الايمان=والضيف مايلقى القاره في عربها
ولو تنتقل وآيل ورى ضلع شمران=ولو تنزل بعرعر ناس ماهي بشعبها
ولو يقطنون السيف صبيان قحطان=وتترك تتلاها وتنزع ودبها
ولو يتركون أهل الاحساء كل بستان=ويجنبون نخيلها مع رطبها
وأهل البحر تنزح من السيف بدوان=وتارد على لينه وتملى قربها
مانساه دام الروح في وسط الأبدان=دام روحي ربها ماسلبها
خيلها ماخايلوا غــر ألامزان=وأون ونات تكسر عتبها
هذا ولك مني تحية وعرفان=يامـن فنـاجيل المـراجل شـربهـا
دمتم فـي حفظ الرحمن 
« آخـــر الـــمـــشـــاركــــات »
31-Jul-2008, 02:34 PM
العرض العادي
