عاشوا هل الشعر الاصلي ناصرين الرسول ..؟

[بدر غالي الصوينع]

قصيده بعنوان (درب السنع والوصول)
للشاعر غالي بن شباب الصوينع

في وسط قلبي هواجيس تصول وتجول = إن هاضة مجملة وإن فاضـت مجمـلة
مـن كبر حمل الذلــول الله يعين الذلـول = في ظهــرها زلـزلــة وابطنها زلـزلـة
الشاعر المعتبر من يستمـع ويش أقـول = البــــر به قنبــلة والبـحر بــه قنبــلة
ما يبني المجــد بالسجــة وكثر الذهــول = العلــم مايهــملــه وإن جــاه ما يمــهلــه
المـدح للمرجلــــة والمرجلـــة بالفعــول = والمــدح ياكــثر عشاقــه بلا مرجلــه
ياكم وكم روس طاولها الكسل والخـمول = في هالزمن والبنات الشقر مسترجلة
وإن كان ضاعوا سلايل مسرجين الخيول = تاريـخ جدانهــم حطــوه في المزبــلة
مرابط الخــيل منتجـها الأصيــل الزحــول = وفي ذمتي يالزحـل مايقبــل المهزلــة
ومن خالف الشرع وسلوم الرجال معزول = عن مجتمعنا لو إن الطيب ورثـة هلـه
والشاعر اللي يبا درب السنع والوصول = ياخذ من أهل التجارب شور مايخذله
قـال بركـات الشـريف الحـر فعلـه يهـول = وإن عاشر الديك عاعــا مثلـه ومثلـه
الشعر ضرب السلاح وغيــر مالـه قبـول = وشاعر يغنـي مـع الخفـرات لا عزلـه
ومن قال عز الرجل وسط الحريم مهبول = وش خانة الشارب اللي وسطهن يفتله
هذاك من ينقل العفنــات وســط الحـــثول = والنصــح والنقد والإرشــاد ما عدلـه
عاشوا هل الشعر الاصلي ناصرين الرسول = يوم الدنمــارك ما جازوا عن البلبلــة
لدو نضرهم هل الثيران واهل العجــول = فجيــالنا شافو التقصيـــر والحلحلــة
ماأعمهم فيهم رجـال تشــيل الحــمول = وعزوتـهم الله وأكـبر ماهــي مبدلـــة
ياطامع الـدين والله مايضيــع ويــزول = ولايختلف للرسول المصطفى منزله
منــزه عن دعايــة ناقصيـن العقــول = عليــه أصلـي وأسـلــم والله مكملـه
هذي قضية هواجسها تصول وتجول = والقصد تدخل قلوب الناس ومجملة

[عبدالرحمن الهيلوم]

صح الساانك والسانك

سلمت يالغالي

[بدر غالي الصوينع]

عبد الرحمن الهيلوم






صح بدنك






ومن قال يسلم





والقصيده هذي قابله للمجاراه





والنقاشات الهادفه البنائه

[دهيماان الدعجاني]

صح لسااااااانك والله لا يهينك على القصيده تحياتي اخوك_ دهيمان الدعجاني

[بدر غالي الصوينع]

صح بدنك





والله لايهينك





ونعم يادهيمان




ومرورك شرف

[بدر غالي الصوينع]

مجارات الشاعر / فاروق الكسر لهذه القصيده قصيدة الشاعر / غالي بن شباب الصوينع

ترايعن للموده طافحات الشبول = والاوله من دهشها تسبق الاوله
قادن وشربن هواهن لين راع الرحول = اوما وصيح ولافرن له البوصله
يمشي نزيف الخواطر مثل مشي السيول =هدايم العاشق الهايم كما السلسله
ومادام ضام الشعر من ذيك ذاق معسول = ورى رسول المشاعر يمكم مارسله
واحمله من صميم الروح جوهر ولول = واقلادةٍ لبها في غبها تنقله
أمواج الامهاج تزفر والمغني جفول = لو شمل افكاره اللي دايم مهجله
يسمع رزيم الرعد لاادلت عليه الثعول = ويخلي النقع ويعود على منهله
يهاب من جمرةٍ يوهج لهبها الجهول = تشب كبر جبله وتشيب كبر جبله
لوانها بينه وبين السما ماتحول = واللي يبي غايته يوقد عليها الوله
ويغازل النيف ويحاول بشتى الحلول = لين ان راع الشداد يشوش ويلدله
واللي مع البيض وصفه وصف حفال جول = جعل المخاليب مع شاكلته تشكله
وانته عسى اقمار عمرك ماتعرف الافول = يامن شدادك غزاله ثابتٍ منزله
تلامع البرق لو يقفي تراه مخيول = واللي شعا مستهيض الصدر ماعجله
يقولها اللي مثل حالي زهوفٍ عجول = فاربع وباق الامور زمولي معقله
يامن بعرفك تفك مغلقات القفول = انتم هل الشعر وانتم بحره ومدهله
وانتم هل النصح وانتم عادلين الميول = في منهج ٍ ياثقيل الجاه ماتجهله
شايبك قد ساق له جن النجوم مهيول = العام يومنه اسرج شقراً محجله
ماقول بالغ ولكن قلنا وش يقول =يالله عسى رحمة اللي خالقه تشمله

[ضامي وفا]

صح لسانك

وبيض الله وجهك

مشكور ياغالي

[بدر غالي الصوينع]

ضامي وفاء






لاهنت




على تواجدك





ومرورك وتفاعلك شرف

[بدر غالي الصوينع]

وهذه المجاراه الثانيه لهذه القصيده

للشاعر/ مصلح صويلح المرزوقي

خل الجمل يالصوينع بالعقال معقول = ايدينه معقله وارجوله معقله
وش قال شيخ الشلاوى عند شيخ السهول = من سبب المشكله من سبب المشكله
المشكله يالصوينع بين رفض وقبول = باسلوبها العرقله باسلوبها العرقله
نجمع قوانا جميع لبذل كل الحلول = لا صعبة المعضله لاصعبة المعضله
والي مع الماجنات الهم ميول وميول = ففعالها مخذله ففعالها مخذله
اصناف واجد من اهل المسخره والفضول = في عالم المهزله في عالم المهزله
يالشاعر اللي برايه مايطيع العذول = معناه ما فشله معناه مافشله
فوق الروابي وقمة عاليات التلول = امزونه مخيله امزونه امخيله
له سمعةٍ طيبه فالكون عرض ٍ وطول = الناس ماتجهله الناس ماتجهله
شاعر على قولة القايل يقول ويطول = ماقال نستقبله ماقال نستقبله
من دون غالي علينا ماتصك القفول = الروح له نبذله الروح له نبذله
والهرج كثره تقول الناس ماله قبول = عن كثره نقفله عن كثره نقفله