الطارف سديد...

[ظلام الليل]

السلام عليكم ورحمة الله وبركاته



الطارف سديد يالربع

ياسلام الله سلامن على سنه ودين=للرجال اللي تنومس بطيب افعالها
ياعتيبه ياهل السيف والرمح المتين=جيتكم واحمل معي دله بمفنجالها

[عبدالمجيد العطاوي]

ما عاد فيه ليل ياظلام الليل مار استلم لاهنت

ياهلا يامرحبا بالضيوف الغانمين=ردّة حيّة لسان العتيبي قالها
هاتها في الحال واقلط على سمن وسمين=كم رجالٍ ياعميلي شربت ادلالها

آخر تعديل عبدالمجيد العطاوي يوم 04-Oct-2008 في 03:51 PM.

[ظلام الليل]

ياهلابك يالعطاوي ونعم فيك

واتشرف بالعب معك


واستلم

البقى لك ياصحيبي وبالله نستعين=والعلوم الطيّبه يسلمون ارجالها
الوفا لاهل الوفا والكرم للمكرمين=ودلتي ياصاحبي لك فدى بعيالها

[زياد المزرمي]

الله الله

صح الســـــــــنتكم

مبدعـــــــــــــــــــــين

ومتابعين كملوها

[الحشيشي]

ماشاء الله

شعار عمالقه

واصلو الابداع

متابع 0000000000000000 بصمت

[عبدالمجيد العطاوي]

اللي يشرّف منزالك يالغالي والشرف لنااا
واستلم يالطيّب

العلوم الطيّبة للرجال الطيّبين=والمراجل كلّ طيّب يبى يسعى لها
الرجل لا صار قرم كفو قضّاي دين=كلّ طالة ياصحيبي يبى يرقى لها

[ظلام الليل]

استلم

يالعطاوي كل دربن على عيوني يبين=والدروب الطيّبه عارفين اشكالها
ومن سلك درب الردى ضيّع اليد اليمين=والديار الخاليه ضاع بين جبالها

[عبدالمجيد العطاوي]

يا ظلام الليل عندي لكم علمٍ يقين=والنصيحة ما تضاهى بروس أموالها
اللقب ركّب على الثعلب وجاء ابا الحصين=افهم الكلمة وظنّي تبى تصحى لها

[ظلام الليل]

الكلام اللي يجي من جهاله مايهين=والنصايح منعقت يالرفيق حبالها
والظلام اللي تقوله غدا فيه الفطين=وكم ذلولن ياصحيبي غدت بعقالها

آخر تعديل ظلام الليل يوم 05-Oct-2008 في 03:03 PM.

[عبدالمجيد العطاوي]

ان تقبلّت النصايح علاها تستبين=تنفعك لا جاء لقبّا الوغى خيّالها
الدواير دايرة كلّ يوم وكلّ حين=ياليالٍ غابت انجومها واهلالها