عديم الوصف بأوصافٍ تـروّع

[منصور البقعاوي]

الا ياطيـر جنحانـه تشيـلـه=تزمّه فوق فـي راس الطويلـه
ليـا منّـه تعلّـى ثـم حـوّل=أبي جنحانـه وريشـه وذيلـه
لجل لاضاقـت الدنيـا بعينـي=أجي للروض وادرج في مسيله
مضى عامٍ وأنا ماغيـر أقلّـب=بذكري من هجرني كـل ليلـه
عديم الوصف بأوصافٍ تـروّع=بقـد وجيـد وعيـونٍ كحيلـه
عليه الرجل حفيت في وصالـه=ثـلاث سنيـن ماظنـي قليلـه
تعاهدنـا ووثقـنـا الـمـوده=ومهما صـار بالعـدلات ميلـه
وحيّدت الخلايق عـن طريقـه=وتوجته علـى خفـرات جيلـه
ولكنـه تنـحـى وامتحـنـي=وخلانـي بـلا قـوه وحيـلـه
سمحت من الهوى عقبه وراضي=عسى الله يلهم الخافـق دليلـه
أبي أسبـاب هجـره والتغلـي=و اعدم في لقاه أيـة وسيلـه

[فواز علي الروقي]

صح لسااااااااانك اخي منصور
القصيده جزله من جزل
لاهنت يالغالي

[عبدالرحمن الهيلوم]

صح السااااااااانك يالغالي

[فيصل المسند]

صح لسانك ياالذيب

[سعود بن سعد الحافي]

صح لسانك يالشاعر

قصيدة رائعه بروعة شاعرها

تسلم وصح لسانك مع التحية ،،،