قصيدة العنــــــــــصريـــــــــه

[خلف القثامي]

هذه القصيد اتت بلاقيود في لحظة استغراب وتعجب من شخص .
من خارج اطار قبايل الجزيره

وهو يتهم البدو بالعنصريه ونكران تاريخهم

مع احترامي للجميع

عزتي للي تعـذب فـي شبابـه
ماتهنـا بالحيـاه النرجسـيـه
وعزتي للي زمانه صـك بابـه
عقب ماضلاّ على ورك المطيـه
من طلوعه في نزوله واعتلابـه
حب ربعـه والوفـا والمقدريـه
في زمان أتيوس سموها ذيابـه
ينعتون اهل الوفـا بالعنصريـه
والحقيقـه ياجماعـه لاغرابـه
لنّ حنا في زمـان الفوضويـه
ان زرعت الطيب منتوجك هبابه
مايميّز بين ذيـك وبيـن ذيـه
لو طيبك كبر مـردوم السحابـه
ضاع طيبك بين غلّ وعنجهيـه
مير انا من روس قومٍ من عتابه
سم كبـدك باليميـن المخلبيـه
وانشد التاريخ وأبحث في كتابه
يامغنـي وردتيـن ومزهـريـه
من هوازن من عتابه من شبابه
يوم جـدك مالقينـا لـه هويـه
جدك اللي جاب في مكه زهابـه
بقشته فيها الثيـاب الفارسيـه
ماخذينا الطيب من حضرة جنابه
يالِفيض الموج مدري ياللهميّـه
إيه حنا بدوّ ونشكـل عصابـه
تحت رآية صاحب الكف النديـه
الملوك اللي لها شـأن ومهابـه
لابغونا فـي اليـال الخرمسيـه
ننتخي والسيف عزه من نصابه
في زمنـا والعصـور الاوليـه
وأحمد الله يوم اللي عزوه ولآبه
مسندي لاوردت حوض المنيـه
خلها تسري على قوس الربابـه
لاتخلينا نفتـش فـي القضيـه
في نظرنا ماتجي حجم الذبابـه
لو علمك كبر بـرج الفيصليـه
الكلام اللي تقولـه وش تبابـه
وانت عايش في الحياه النرجسيه
الكلام الي ذكرتـه صـك بابـه
منـت كفـوٍ لشـداد و للمطيـه

الشاعر / محمد قبلان القثامي

[عبدالرحمن الهيلوم]

بيض الله وجهه في الصميم


وصح السان الشاعر /محمد بن قبلان القثامي


وصح السانك يالغالي

[وافي الخماش]

صح لسانه نعم عنصرين ضد الكفر وضد من يحاول تشويه صورة القبائل ..

[محمد العتيبي]

قصيده رائعه جدا

صح لسان المبدع / محمد القثامي ..

تحيتي للجميع
...

التوقيع

للتواصل عبر twitter تويتر al_bargawy@

[البريماني]

كفووو ياصبي عسكرر البارررود...وونعم والله فيييه جابهااا على الجرررح

للي يقصدهـ....مشكوررر على النقل يالغااالي

[نزهان الروقي]

الله الله




صح لسانه وتسلم يمينك



ومبروك علي الإستايل الجديد يامنتدانا

[خلف القثامي]

المشاركة الأصلية كتبت بواسطة عبدالرحمن الهيلوم

بيض الله وجهه في الصميم


وصح السان الشاعر /محمد بن قبلان القثامي


وصح السانك يالغالي

ووجهك يالغالي


وصح بدنك


وشكرا ع حضورك الرائع

[كاسر الحوم]

صح لسانه

ومشكور يا خلف

على الموضوع

[خلف القثامي]

المشاركة الأصلية كتبت بواسطة وافي الخماش

صح لسانه نعم عنصرين ضد الكفر وضد من يحاول تشويه صورة القبائل ..

صح بدنك


وشكرا ع حضورك المعطر