لا رِحم أبو ساعةٍ قابلتني فيها ..!!

[وصل العطياني؟؟؟]

السلام علاكم

الطـّيب مثل الطّويل النايف العالي=قمّة على ضلع ما كلٍ يعدّيها
يرهي بها الأوّل ولا يرهي التالي=ويغرّها اللي ما يسمع غير طاريها
والنـّاس في هالحياة ألوان وأشكالي=ما يعرف الناس غير اللي يخاويها
ناسٍ على ما تمنــّى دِرْع وظلالي=وناسٍ تجيك المشاكل من تواليها
النـّار لو من قربها يسْلَم الصـّالي=ما قالوا النــّار تحْرِق رِجل واطيها
والحنضلة لو ّ تسقى السكّر الحالي=وتُغـْسَل من الورد ما ربـّي محلّيها
وما كلّ صاحب يجي في القلب طوّالي= يا كمّ ناسٍ ما نحفظ غير أساميها
نعْـرِف تواصيف قوم القيل والقالي=وساعٍ حلوقها ووساع أذانيها
إن جابوا علوم ناسٍ مالهم والي=ودّوهم علومنا عن بكرة أبيها
إن كان ودّك تصير الصاحب الغالي=خلّك ورى الهقوة اللي فيك هاقيها
والله لأنصفك من حالي ومن مالي=مانيب من طـقـّة أُخـذْها وعطنيها
إعرف ترى رفقة الطّيب هوى بالي=يبيعها اللاش والرّجال يشريها
وإن كان صحبتك معطِيةٍ خلاً خالي=صحبة رخا ما تبيـّض وجه راعيها
واللّه عليّ الحرام إنــك ما تبرالي= لا رِحـْم أبو ساعةٍ قابلْتني فيها
من قلب جوّالك إمسح رقم جوّالي=ومن قلبك إمسح نواياً كنت ناويها
عرفتك أو ما عرفتك ما اختلف حالي= نفسي لا يمكن تغيـّر عن مباديها
ما فالي بفالك ولا فالك بفالي=تلقى من أشكالك أشكالٍ تماشيها
وأدعي لكم بالصّلاح وحُسـْن الأعمالي=مانيب هادي عرب مالله بهاديها

تحياااااااااااتي

التوقيع

na111na@hotmail.com

[خالد المقاطي]

مقعد امامي





وحجز مشهووووور يابو مشهور



1















لي عوده من جديد ومعانقه هذه الباذخــه






اخوك :

[أبو صقر]

وصل العطياني
صح لسانك ياشاعرنا . لكن عندي ملاحظه لابراء الذمه هي ان الله سبحانه وتعالى قال (لاتسبوا الدهر فاني انا الدهر)ومن مسميات الدهر الساعه واليوم

لا رِحْم أبو ساعـةٍ قابلْتنـي فيهـا





تحيتي ........

[نواف العصيمي]

إبداع .. رائع

وصح لسانك ..


جزل ياوصل


ولك التقدير والإحترام

التوقيع

[فيصل المسعودي]

هلا والله ابو مشهور

نص يحمل من الجزالة والشموخ الذي لا يمثله الا سواك يالغالي

صح لسانك مدد بلا عدد

تحياتي

[سعد بن مطلق المقاطي]

السلام علاكم
وعلاكم السلام

صحبة رخا ما تبيّض وجه راعيهـا


صح لسانك على القصيده الطيبه

التوقيع

ديــــــــــــــــواني

آخر تعديل سعد بن مطلق المقاطي يوم 18-Apr-2008 في 10:50 AM.

[عبدالله الجـــذع]

الله اكبر..

الشاعر الكبير وصل ...

صح لسانك مليون يالغالي..

ويالله انك تحييه ..

جزله يالجزل..


محبك
,
.

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[محمد بن غازي]

صح لسانك ياوصل

[أبو نجر النفيعي]

..

الله اكبر الله اكبر ..

ابيات رائعه وجزله يابو مشهور .. صح لسانك حتى ترضى .. ولا عاد تقاطع



أخوك

التوقيع

.....

[السميــــــري]

..


من قلب جوّالك إمسح رقـم جوّالـي
ومن قلبك إمسح نواياً كنت ناويهـا
عرفتك أو ما عرفتك ما اختلف حالي
نفسي لا يمكن تغيّر عـن مباديهـا

الله الله ..
يابو مشهور .. صح لسانك على هذه الرائعة ..

وأوافق سطام روق .. فيما قال .. !


شكرا لك ..