هويت نجد وحبها في فوادي = ولا احد(ن) سواها في ضميري سواها
وعشقت فيها حرها والبرادي = وعشقت صحراها ونسمة هواها
فيها الطيور اللي صباحاً تنادي = وفيها الحباري باقياتٍ خطاها
ويوجد بها طيرٍ ولونه رمادي = كروانها ينشاف بارض وسماها
ورقط القطا فيها بليا عدادي = وذيب الخلا يزعج بصوته حماها
والجو به حرً عيونه حدادي = هوايته برق الدواغر جناها
هوايتي مقناص غاية مرادي = والنار مشبوبه ويجذب سناها
ارافق اللي صحبته بعتمادي = اعرف ضميره نيته وش نواها
وابعد عن البطال راع العنادي = اللي مانعرف صحبته وش وراها
وضو القمر ساطع علينا وكادي = في وسط صحرانا ويعجب نداها
بارضٍ خلا مامثلها فاالبوادي= نبعد عن ازعاج المدينه واذاها
وراع البلد دايم حياته جمادي = تديره الزوجه وتابع رضاها
لو شال من فكره الابله ودادي = ومذكرات الحب منها نساها
يرتاح صدره من هموم وجهادي = ويرتاح مع ريضان نجد وخلاها
=خالد عتيق النفيعي
« آخـــر الـــمـــشـــاركــــات »
24-Aug-2008, 04:23 PM
العرض المتطور
