اي مشرف يتكرم

[سند العتيبي]

سلام فيه اعلوم وعلوم ما تعرف=في منتدىً نصه عساكر وشرطه!!
اجتمعوا الهيلا والنيه المشرف=يمكن يردونه عضو ٍ بلا سلطه

[معجب العتيبي]

يامرحبا باللي يمشي وراه الصف=في منتدى الهيلا بتصيبه الجلطه
على كلامك قوم ياصاحبي واحلف=قدام لاتصبح يافلان في ورطه

التوقيع

[سند العتيبي]

هههههههههه

يا معجب الروقي دام البقا والطف=خل العلوم اخفاف لا تزيدها شطه
ما ني بحالف لك يا مشرف مكلف=عقب العشر تقضي.. اتدور القطه

[معجب العتيبي]

مما عطاك الله يافلان قم واصرف=لاترجع بدربك وتكرر الغلطه
في نفعة اخواني اقوم واتشرف=يوم ان بعض الناس في سبهم مطه

[سند العتيبي]

اثرك متلقف... اثرك متلقف=وانا احسبك واعي لا تخرب الخلطه
من يوم صرت بصف امطير لاتنكف=ربعك يخلونك...ابضاعه بشنطه

[سند العتيبي]

تصبح بخير


بكره نكمل


اعذرني 00 النوم

[معجب العتيبي]

اثرك متكلف اثرك متكلف=والحزم فالموقف ماجبتلي شرطه
ياليت صاحبنا ياناس يتسلف=والا يجيب لحاف ويروح في غطه

[معجب العتيبي]

الله يرعاك

وتصبح على خير

[سند العتيبي]

اذا متواجد خلها مباشره

نبي نصفي الحسابات

ثلاث مرات ٍ تسلم من الموقف=يا معجب الشاعر يا شاعر القلطه
واللي عطاك الصيت وش علته طرف=عود لابن عمك لكن وش حطه؟!!

[معجب العتيبي]

فالموقف الغصاب ماني بمتكتف=واللي يعاندني لاقمت ابا ابطه
رقيت بأفعالي يالصاحب المرهف=وانته حداك السيل ماتقدر تنطه