قصيدة محمد بن سحلي التويجر /بقدوم شهر رمضان المبارك

[سلطان الحويقل]

اهني عتيبه الهيلا بشهر الصيام= وقبايل المملكه وملوكنا أل السعود
ملوكنا اللي كرمهم يفرض الأحترام=بالسلم كالغيث ون جاء الحرب مثل الأسود
شهرً علينا قدومه خيلت بالغمام=باتم صحه وامان وخير جعله يعود
شهر الحسنات والتقوى وشهر الكرام=الطيب اللي بجوده لاتكرم يجود
القصد ماهوب ترك الشرب والا الطعام=القصد تقوً لها تبذل جميع الجهود
وغض النظر عن سهوم النظره اللي حرام=وطعاتك ياربنا المعبود خير معبود
والحقد والحسد من طبع الخبول الليام=من طهر القلب منهن باحترامه يسود
والخاسر اللي مفاد الا الندم والأثام=يارب رحمتك ياللي لك عبادك سجود
على خليلك جعلت النار برد وسلام= يارب تجعل لنا الاعتاق يوم الورود

[عبدالرحمن الهيلوم]

سلمت ياالغالي
وصح االسان قايلهاااااااااااااااا

[حمود غنام المرزوقي]

صح لسان الشاعر ومشكووور أخوي سلطان


تحياتي

[محمد العتيبي]

صح لسانك ملايين

ومبارك عليكم الشهر ان شاء الله ..
وكل عام وانتم بخير

التوقيع

للتواصل عبر twitter تويتر al_bargawy@

[ابو سعد الدلبحي]

صح لسان الشاعر
و لاهنت يالغالي على القصيدة الطيبة

[عقاب بن سقيان العتيبي]

اخي سلطان الحويقل
اشكرك على نقلك للشاعر محمد بن سحلي التويجر وليس الشعر غريب على هذا الشاعر وحفيد شاعر عتيبه في زمانه(فراج التويجر العضياني) وهذا الشاعر صديق وزميل سابق سررت جدا بنقلك له اتنمى ان اراه وهو بخير والف عافيه واتنمى الرحمه لابن عمه الشاعر(غالب بن نجر العضياني)اللذي توفي قبل ايام وهو ايضا شاعر وصديق رحمة الله عليه وعلى اموات المسلمين في هذا الشهر المبارك اتمنى لك ياخ سلطان الحويقل التوفيق دايما وشكرا لك تقبل مروري اخي الكريم