ادناة شاعر يقتربلي هنا والكد مخلوف........

[خشم عنان]

السلام عليكم ورحمة الله وبركاته

من هاجسن لامن زهمته وقف دون المواجيب= سلام رده مثل نور القمر والشهر منصوف
في حلة العتبان قوم الوفا والجود والطيب= ادناة شاعر يقتربلي هنا والكد مخلوف

[معجب العتيبي]

وعليكم السلام ورحمة الله وبركاته

من هاجسٍ يبعد عن الشك والتزييف والريب=يامرحبا ترحيبةٍ تشمل الاصحاب وضيوف
في حلة اللي يحتمون المواقف بالمحاديب=ياصلك راع المعرفه والطريق الزين معروف

التوقيع

[مرقاب]

وعليكم السلام ورحمة الله وبركااته


الله يعطيكم العافيه وصحت السنتكم مقدما ً
ومتابع ومع الله






..



..



’’


مرقاب

[معجب العتيبي]

مرقاب

شكرا لمتابعتك


وصح بدنك

[خشم عنان]

استلم يامعجب الله لايهينك

ياخوك كان الذيب يعوي على روس المراقيب= واليوم جر عواه داخل قفص ضايق ومكتوف
مدري نلوم الوقت والا نلوم اهل المكاتيب=والا نلومه يوم حوّل وهو ماهوب مكلوف

آخر تعديل خشم عنان يوم 31-Jul-2008 في 04:13 PM.

[خشم عنان]

لاهنت يامرقاب على مرورك ومتابعتك

[معجب العتيبي]

لاهنت طال عمرك

اللي ترك داره.. يبا يلحقه في وقته الشيب=والشيب لامن زاد ياصاحبي ماهوب منتوف
لا والله الا الوقت ياصاحبي.. مانلحقه عيب=الا الطمع والحرص لامن كثر والجوع والخوف

[خشم عنان]

استلم والمعذره على التأخير

الموت من في داره وماشيٍ حسب الاساليب=يعني مهوب اقشر ولولاهوب يارجال ملقوف
لكن حقه وخذ منه وسلم للأجانيب=وانا اشهد ان الوضع ذا ياعميلي يحرق الجوف

[معجب العتيبي]

عادي وانا خوك

الوضع حسب ضروف راع.. الفضا يمشي بترتيب=ترتيب واضح للملا والخلايق كلها تشوف
وقت اختبار الطالب الأسأله مرت بتسريب=واللي كذا فبدايته تااالي الايام معيوف

[خشم عنان]

استلم يامعجب

والختم عندك وتشرفت باللعب معك صح لسانك وبيض الله وجهك

من عقب ماراح المطوع وانا ادري الوضع اكاذيب=لعبه لكن ماهي على اهل العقول تمر وتطوف
راع الفضا اهم حاجه ملا من كدنا الجيب=اسمحلي اني ياعميلي اقول( ال......) مخطوف