قصيده بالشيخ /عفاس بن تركي المحيا

[ابن رمال]

قصيدة قمت بنقلها من منتديات نبض جبه وهي موجهه/للشيخ عفاس بن تركي المحيا

الجيب جهزته على.... كيف ماريـد=وسلمته القـرم الشجـاع المـدرّب
من وارد اليابان.. مخصوص للبيـد=اشهب شهاب وفي خطوطه مشـرّب
تنكين وسبيرين... والونش تعضيـد=دف لوك.. رفرف مع قزاز ِِ مكهـرّب
مامله السواق لو..... طـوّل الميـد=يزين مشيـه.... بالدكـاك المتـرّب
يشدى... هداد الحر للأرض توريـد=ياشاف زول الخرب.... هد وتكـرّب
من ديرة الدمام..... والفجر تحديـد=يمشي وفي درجه ....جواب ِ مذرّب
فلل وقود الجيب من شيشـة العيـد=وقضب طريقٍ .....كل مازان غـرّب
حط الحسا يسره مـع شمـخ الغيـد=سريع دربه .....من مشابه تطـرّب
ملفاة شيخ ٍ ....من خيـار الاوليـد=عفاس ابن تركي ....حصان ِ معرّب
اسمة على اسم ِ يرهب الخيل توكيـد=عفاس خيال ِ ...علـى العـز ورّب
يازغرتت بالصوت نقاضـت الجيـد=يشوش راس... الذيب فعله مجـرّب
الطيب عنده من قديم ٍ... بـه القيـد=عفاس طيبه... من جـدوده تسـرّب
ابعد من المريخ للـي نـوى الصيـد=واقرب من اليمنى ....لمنهو تقـرّب
من لابة ٍ... تقـص روس الجلاميـد=يوم ألردي.. بالبيت تحت المضـرّب
حناتيش..... عند الملاقـى صناديـد=كم راس قرم ِ مـن فعولـة تتـرّب
عتبان...ياجى وقت... هز البوريـد=هيلا ....ولاهمه صيـاح المهـزرّب
يتلون شيخ ٍ ... ينطح الدرب تسنيد=بيره عميق.... ولأبعد قيـل حثـرّب
ابن محيا...... في شموخه كما الحيد=ماهو من اللي.... يانخيتـه تهـرّب
يامن.... وعد عفاس صدق المواعيد=على الوفاء مقيول .. بيتـه مكـرّب
انخاك.... ياسقم... العداة المقاريـد=يامنوة اللي عن اديـاره ....تغـرّب
الشمري ينخاك........يابن الاجاويد=وانت الذي.. من عهد جـدك مـدرّب

الشاعر/محمدبن شاكر الرمالي الشمري

[ابو ضيف الله]

صح لسانك يا بن رمال وبيض الله وجهك
والنعم فيكم يا بن رمال وانتم صيتكم ما يخفى على احد

ولكن القصيده هذي ويش قصتها وهل هي جديدة ؟!!

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة. قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة. اللهم أنصر من نصر الدين وأخذل من خذل الدين

[عقاب بن سقيان العتيبي]

صح لسانك يابن رمال الشمري
وابن محيا يستاهل..

[فهيد الايدا المورقي]

الرمالي بيض الله وجهك يالغالي على النقل

وصح لسان الشاعر محمد بن شاكر الرمالي


ويستاهل المحيا المدح


تحيتي