يا خليفة مطلق اليا كنت تزعجك الصراحة

[رعد الروقي]

السلام عليكم

تعال يا خليفة مطلق نبا نمزح معك لاهنت

يا خليفة مطلق ان ما كان ودك بالصراحة =انت فعلاً في محل الراحل اللي ذاع صيته
وان بغيت الحق ما غطيت لو ربع المساحة=منهجك ماهوب منهاجه وبيتك غير بيته

[خليفة مطلق]

علاك السلام
وحنا ماعاد ونعرف المزح من الرزح

وانت لو تبغى الصراحه طير لو يرفع جناحه=مايطير وفوق راس العود ماواه ومبيته
المثل قد قال كلب القوم لو يكثر نباحه=مايضر الماطر اللي في سما ربك لقيته

[معجب العتيبي]

صح لسانك ياعمده


وصح لسان خليفه


ومتاابع والصف صف خليفة مطلق

التوقيع

[رعد الروقي]

عندك استعداد تنزل في ميادين الوقاحه =كان ودك بالشرا والبيع ناحر للبهيته
قايد الكنكورد مطلق وانت ما تملك وشاحه=ما انت قايد يا طويل العمر غير البسكليته

[خليفة مطلق]

عندي استعداد احول في الميادين المباحه=وعندي استعداد اميّع راس خشمك من فليته
انت لاصاحب سمو ولا مدير ولا سماحه=تشتغل فراش عند اللي يضرك لو عصيته

[مرجح الميزان]

منطق الرجال مدلوله ..



صحت الألسن









,,

[رعد الروقي]

طحت في كف العذاب اللي ينسيك اي راحه=مار ابا اذكرك بالموضوع يمكنك نسيته
ارجع لوزنك على الساحه وشف حجم الكلاحه=فالمعم اللي لبسته والطريق اللي مشيته

آخر تعديل رعد الروقي يوم 24-Jul-2008 في 02:54 AM.

[بدر الكريزي]

""

صحت ألسنتكم ..

واصلوا ../ متابعين ..


""

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.

[خليفة مطلق]

ياجريحٍ من صروف الوقت ماتبرى جراحه=كم سقيمٍ ذاق طعم الموت يوم اني كويته
وزنناوزن الجبال ووجهنا في الفلاحه=والمعم يسرني يوم انت راسك ماغطيته

آخر تعديل خليفة مطلق يوم 24-Jul-2008 في 03:03 AM.

[ابو فايح]

صحت السنتكم طاروق ساخن واصلوا