قصيده في الشيخ ماجد بن ضيف الله بن عقاب بن عميره

[عضياني عتيبه]

هذه القصيده مهداه من الشاعر نايف بن مبارك الدماسي العضياني

للشيخ ماجد بن ضيف الله بن عقاب بن عميره

بمناسبة زواج ابنه سطام

ويستاهل كل خير بن عميره ..






السلام اول كلاماً من لساني
ابتدي به والحضور يجاوبونه

في محلاً جامعن قاصي وداني
والرجال الأوفياء دايم يجونه

يوم داعيكم على الحفله دعاني
جيت اشرف حفلكم واحضر فنونه

لجل أبو سطام ماجد جيت عاني
يـاخوالـي حاضـراً للـي تبـونـه

جيت ابارك له وازف له التهاني
من ضمن ناساً يجون يشاركونه

يوم ابو سطام بارزن مثل أباني
عارفينه والعرب ما يجهلونه

مثل حاتم طي في ماض الزماني
كـل سكـان الجزيره يذكـرونه

بيناً يعرف كما النجم اليماني
مثل نجم سهيل للي ياصفونه

كاسب(ن) لنعم من كل المعاني
ولجل ذلك كـل ربعـه يدهلـونه

بارزن مثل القمر سبع وثماني
عـزتي للـي يبون ينافسـونه

فيه دين وفيه تقليط الصياني
والشجاعه فيه والنفس الحنونه

والمجاني من عسيرات المجاني
ماكره روس القبايل يعـرفـونـه

من مدهش روق طلقين الأيماني
كـل طيباً بالمراجـل يـدركـونـه

من عميراتاً فعايلهـم تبانـي
ويشهد التاريخ واللي يكتبونه

والقبايل ماتـذم ولا تهــانـي
أخذين حقوقهم ماهم بدونه

عن فعل زايد سمعنا بالأذاني
ويشهد الله والقبايل يشهدونه

وعن عقاب وعن مرويت السناني
ومن حضر قشعان تشهد له عيونه

فعل ضيف الله على روس العلاني
من صطاته واجـد اللـي يتبعـونـه

ماتسمـوا بالأمـاره لضمـانـي
شيخةً ماهيب شيخة ختم شونه

يوم زرق الرمح وملاوى العناني
حقهـم عـدوانهـم مـا ياصلونـه

قبل ابو تركي يزيل الامتحاني
وعزز الاسلام للي يطلبونه

جمع شتات العرب عقب الهواني
وأقام شرع الله وثبت له ركونه

لين خلى الشعب في الذمه اخواني
وحقهـم ببسط طريقـه يأخـذونـه


جعل خده مسكنه خضر الجناني
يـا الهاً كـل خلقـه يرتجـونــه

قلتهـا واقولهـا سـر وبيـانـي
والسلام اختام ياللي تسمعونه





وسلامتكم.......

[مالك الذيابي]

صح لسانك يابن العم

قصيدة جزلة سلمت يداك

[سعود الجعفري العنزي]

صح لسانك قصيدة جزلة سلمت يداك

[فهد النفيعي]

طرح راقي

لاحرمنا منك يالغالي

دام العطاء

[عضياني عتيبه]

المشاركة الأصلية كتبت بواسطة ابن نجم الذيابي

صح لسانك يابن العم

قصيدة جزلة سلمت يداك

صح لسان قايلها



وصح بدنك يابن نجم



ومشكور على المرور

[عضياني عتيبه]

المشاركة الأصلية كتبت بواسطة راع النوق

صح ابدانك





ومشكور على المرور ..





تقبل تحياتي

[عضياني عتيبه]

المشاركة الأصلية كتبت بواسطة فهد النفيعي

طرح راقي

لاحرمنا منك يالغالي

دام العطاء

لا هنت اخوي




ولا تحرمنا من مرورك



تقبل ارق تحيه

[عضياني عتيبه]

صح بدنككككم والله لايهينكم

[عبدالله بن دبيس العتيبي]

الف شكر ياخوي على الموضوع الرائع

وصح اللسان الشاعر



وتقبل تحياتي