السيف مرهف وحده ياجماعه خطير....

[احمد الزايدي]

السيف مرهف وحده ياجماعه خطير=لكن لازال بعض النـاس فـعـمـايته
ماقـدر الله سبحـانه في وقـته يصير=الله خلق كل شخص ويعلم أنهايته

آخر تعديل احمد الزايدي يوم 10-Jul-2008 في 05:30 PM.

[/عبد العزيز الجذع/]

يا سلامـ...



صح لسانك يا احمد..


وفي انتظار قبيلكـ.

[سند العتيبي]

يا مرحبا لو ما سلمت يا ابن الامير=والحر من لابته والحر من لابته
علومنا تقودها يا احمد سلوك الحرير=والسيف في الغمد والمجرم على حالته

[احمد الزايدي]

دام البقا ياسند والعلم جدا خطير=وحنا في حكم الله المعبود ورعايته
أشوف أنا الجو فيه غبار حر وسعير=ومن ماتمسك بدينه مـارفـع رايته

[سند العتيبي]

الله الله

ما انتبهت لتعديلك على البيت الاول كان ( ما هابته ) وغيرته ( فعمايته )

استلم

الموقف اللي على بعض الاوادم عسير=وسيلته واضحه وايضا كذا غايته
الكف في داخله جمره وشوك الحضير=واللي سبقكم سلم والفايته فايته

[احمد الزايدي]

الناس قالو الكره من حولنا تستدير= والناس تدري عن العالم مع أحكايته
عمر البادم لاشك أنه طويل وقصير=اللي تـوفى قـبل ومن ينتضـر جايته

[سند العتيبي]

ان كان ما عودت ما بين شور ومشير=والا غدانا مع الجهال والهايته
من يفترش ريش غير اللي فراشه حصير=ابوك .. اشوفك تلزّم دوم فـ . . اوصايته

[احمد الزايدي]

أن كان ما الله فرجها العلي القدير=والا والمشاكـل بـدت والــرب وعــــنايته
نرجع على عهدنا الأول نشد البعير= ومسلسل أهـل الكفـر بأين من أبدايته

[سند العتيبي]

يا كن في راسك الليله كلام ٍ كبير=ودك تشيل العلم والناس فحمايته؟
ويا كني اسمع بجحر الداب وشّ وصرير=يمكن بلاو البشر هي حق وكفايته!

آخر تعديل سند العتيبي يوم 10-Jul-2008 في 08:45 PM.

[عبدالله بن دبيس العتيبي]

صح اللسنتكم جميعا محاوره رائعة



وتقبلوا تيحاتي