قــــــالوا عـــــــلامك

[شوك]

قالوا علامـك قلت مشغـول بالي = من بعد شفت الزين ما ني بمرتاح
من طول فكري به سهرت الليالي = واصبحت من ذكره كما طير نواح
ياليت يدري ويش صـار وجرالي = ما كان يتركني معذب ولا راح
نار الحشا من وجد روحي تصالي = ما كن جوفي غير مطعون برماح
كله سبايب شوق ظبي بدا لي = اشغل حياتي لين صارت بلا راح
محبـوبي اللي ضحكتـه در لالـي = ما ظنها ألا برق خاطف ليا لاح
والخـد مثل الشمس وقت الزوالي = يوضي لمن يسر الليالي ليا شاح
في وسط خده نوع حمره وخالي = ما كنه إلا ورد صافي وتفاح
والرمش فوق العين مثل الظلالي = يظلل المحبوب عن كل لفاح
والعين بحرٍ واسعٍ به لوالي = يغرق به الولهان لو كان سباح
ريقه عسل مخلوط سكر وحالي = والطيب كادي والعرق ورد فواح
والجيد شكله مثل عنق الغزالي = والشعر مثل الليل ما بعده إصباح
ويش آبا أوصف في عجيب الدلالي = تصعب تواصيفه على كل مداح
يا ناس قولوا له يخل التغالي = ما ينفعه والله لعبه بالارواح
إما يقابل شوقي اله بوصالي = ولا يخل القلب يا ناس سواح
ما ني عقب فرقا حبيبي بسالي = اثر الهوى من جد قاتل و سفاح

[محمد النفيعي511]

[عبدالله الجـــذع]

شوك

قصيــده جميــله جدا
تخضبت بالعذوبه والرقــه

صح لسانك على هالجزله
ولاتحرمنا جديد قلمك ورائع فكرك

محبك
.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[معجب العتيبي]

الله الله اللله

مبدع ياشوك


صح لسانك

التوقيع