( ياليت ربي ماخلق حـب وفـراق=والا خلق حب(ن) على غير فرقا ) محمد السديري

[/عبد العزيز الجذع/]

السلام عليكم ورحمة الله وبركاته..




قصيدة لـ الشاعر العظيم: محمد الاحمد السديري..


اترككم مع القصيدة ..

دام الكـلام اليـوم ماعـاد ينطـاق=بين الولايف نبـرة الشـوق غرقـا
قال السديري عقب ماخاطره ضـاق=بيتن يخلـي ضامـي القلـب يشقـا
( ياليت ربي ماخلق حـب وفـراق=والا خلق حب(ن) على غير فرقا )
واليوم ضاعت بالمواجيب الاخـلاق=صار الغزل بيـن المواليـف يرقـا
دارت دواليب الزمن بين الاشـواق=يالصاحب اللي مـن سبايبـك نشقـا
عنيت لك في عالي الرجـم مشتـاق=وغنّيت لك مع تالي العصـر طرقـا
عن شوف غيرك شح شوفي ولا لاق=وسرقت ماتحت المحاديـب سرقـا
واليوم طعت اللي بالاشـوار بـوّاق=واللي بقـى لـك بالمحاجيـر يبقـا
من عانقوا دربـك قليليـن الاوفـاق=حالـك تغيـر والبـلا ويـن نلقـا
محدن يعالجني سوى شـوف بـرّاق=واقـول مابيـن الغناديـر فـرقـا
ياهيـه يالمشتـاق لاعـاد تشـتـاق=ويامعـدّي المرقـاب لاعـاد ترقـا
اخر نصيحه واحفظه وسط الاعماق=خل الرجم وانزل على راس برقـا

[عبدالرحمن الهيلوم]

قصيده لشاعر فحل مشكووووووووور يابا سعود

[وافي الخماش]

يامعدي المرقاب خله لمشتاق****حول وخل معذب القلب يرقا
ياليت ربي ماخلق حب وفراق****وإلا خلـق حبٍ على غيـر فرقا

كل الشكر يالذيب على الاختيار الاروع ..

[/عبد العزيز الجذع/]

مشكوووورين يالغالين على المرور الجميل...

[السبيــــعي]

ألف شكــــر اخوي عبدالعزيـــز

اعرف البيت اللي يقول


( ياليت ربي ماخلـق حـب وفـراق**والا خلق حب(ن) على غير فرقـا )

لكن اول مره اقراها كاملـــة
الله يعطيك العافيـــة

[/عبد العزيز الجذع/]

الله يعافيك...


ولاهنت يالغالي على المرور الجميل..