التويجر في مدح شيوخ برقا!!!!! - الهيـــــــــــــلا *** منتدى قبيلة عتيبة

سيف العدل · 21-Dec-2003, 09:02 PM

هذه قصيدة للشاعر فراج ابن فلاح التويجر الدماسي في مدح
شيوخ برقا:

ياولي العرش يـــارب العمــــوم000يــامعــديني عــــواقيب الاثـــــام

عقب هذا قربوا لي خمـس كـــوم000خمس زينات المماشي والـولام

مربعات دون شمر بالحــــــــزوم000ناقضات الجزو في وادي جهام

قيضن بالقيض في وادي الهشـوم000لين ني الهجن جا كبر العـــــدام

انحـروا برقـــا منـحيت الزحـوم000من خيول ابريـه والا خيــل يـــام

يـمـمـوهـن ياطـروشـي باليمــوم000يم ابــو صلال جعلــه مايضــــام

هـيظل ماهـي تلامــيس العلـــوم000ترث باني البيت عــزال الجهـــام

ثم نصوهـن الى شيــخ اللــــزوم000شيخ برقــا بالمنـــازل والزحـــــام

يم ابن هندي عسى عمره يــدوم000سلمـــوا لي واجهـــدوا لي بالسـلام

يـوم يـركب فـوق شقـراه القحـوم000العبيه ركضــها فيـــــه ادحـــــــام

فـوقهــا يـمنى تـورد بـــالسهـــوم000تشبع اللي في مراح الخيل حـــــام

شايـل حملــه مـع حمـل العـمـوم000لــو تعقل اعضــــاه بالحملين قــــام

يـالله انـي طالبـك فــي كــل يــوم000تفهق اجله مـــن ورى تسعين عـام

اخوكم 000سيف العدل000

سعوط المجانين · 22-Dec-2003, 01:15 AM

اخوي سيف العدل مشكور على هذه القصيده.

جهداً تستحق الثناء عليه.

شاعراً معروف وقالها في ابطال من أعضم ابطال عتيبه.............

متعب العضياني · 22-Dec-2003, 10:24 AM

مشكور والله لايهينك

والتويجر شاعر فحل ضاعت اغلب قصايده

وللمعلوميه احد احفاده اعرفه معرفه شخصيه
وهو شاب توه لكنه ورث عن جده الشعر
شاعر وقصيده جزل
اسمه فلاح التويجر الدماسي العتيبي
وتقبلو تحياتي
متعب

سلطان الفهد · 24-Dec-2003, 08:06 AM

جزاك الله كل خير

سيف العدل · 28-Dec-2003, 09:07 PM

اخي صعوط المجانين مشكور على مرورك الكريم 0

ولك فائق تحياتي000سيف العدل000

سيف العدل · 08-Jan-2004, 12:26 AM

متعب العضياني شكرا على التواصل ولا تبخل علينا بماتعرفه من قصايد
حفيد التويجر 0

ولك تحياتي0سيف العدل0

يتصفح الموضوع حالياً : 1 (0 عضو و 1 ضيف)