الزلامي وصياف (( خصمكم في الآخره عبدالله المسعودي ))

[وافي الخماش]

رشيد
ياسلام اللْه سلام اللي خفيفٍ دمه
معه جنسيه ويبغا له جواز إسعودي

مشكلة صياف صارت بين ابوه وعَمه
والسبب ناسٍ تدق الملح والبارودي

صياف
مرحبا بالشاعر اللي ماقدرت اذمه
الليالي ماتغير والزمان يعودي

الزلامي معه علم وكل شي يهمه
مير لو يزعل تغيره الليال السودي

رشيد
كيف تدلي بالشهاده ياكبير الذمه
وانت ماشب لك ضوك غير قدح زنودي

صرت مثل اللي كبر وانكر لبن ديس امه
والعرب في الصيف تعرف عدها المارودي


صياف
العلوم اللي تحط الناس راس القمه
حبلها من يمكم ياصاحبي معقودي

ثوبك اللي ماينوش الارض غير بكمه
نزّله للجمره اللي فوق راس العودي


رشيد
ودي اكشف غلطتك للعالم الملتمه
انت حربياً تطالبني بورث جدودي

يامحبين العقال ومنكرين العمه
خصمكم في الآخره عبدالله المسعودي


صياف
انتم اِرجال الشرف وعظامكم منسَمَّه
اعبروا ذاك الطريق وحملكم مشدودي

انت ماتدري عن البارود لين تشمه
مير لاترمي بها في الوادي المسدودي
رشيد
لوّ ياصياف علمي تمسكه وتضمه
تاجده مثل العسل ولاّ حليب القودي

انت تحسب جدنا دابٍ يموت بسمه
مير انا باذل لنصره طاقتي وجهودي

صياف
يقطع الله ديرة اللي مايعرف الجمه
والتجاره يالعتيبي بابها محدودي

قبرك اللي في تهامه بالتراب ندمه
تحفره بالليل الاظلم والعباد رقودي

[/عبد العزيز الجذع/]

محاورة رائعة..

لاهنت يا وافي...

[دوسي زهراني]

الف شكر يالغالي على المحاورة الجميله ..

[وافي الخماش]

عبدالعزيز الجذع

شــآإكــر مرورك ياالذيب ..

[ابو شرف]

محاوره رائعه ومشكور على النقل..

[وافي الخماش]

دوسي الزهراني

شــآإكــر مرورك وتواصلك ..

آخر تعديل وافي الخماش يوم 13-May-2008 في 08:39 PM.

[كامل الذوق]

صرت مثل اللي كبر وانكر لبن ديس امه
والعرب في الصيف تعرف عدها المارودي


يا سلام محاوره فلــــــــــــه

ومشكور ياخماش

اخوك ابو عابد

[محب الهيلا]

مشكور وماقصرت

[وافي الخماش]

ابو شرف

شــآإكــر مرورك ولا هنت ..

[وافي الخماش]

كامل الذوق

شــآإكــر مرورك ولا هنت ..