قصيدة رثاء في الشيخ ابن جامع (رحمه الله)...

[سعود الجعفري العنزي]

هذه القصيدة يرثي بها الشاعر / سعد سعود بن مغلي الحزيمي العتيبي الشيخ المرحوم بإذن الله
عبد العزيز بن جامع شيخ قبيلة الروسان من عتيبة وأمير الفوج الخامس في الحرس الوطني يرحمه الله..

مرحوم ياشيـخٍ عزيـزٍ فقدنـاه=عبدالعزيز اللـي يجيـب النفيلـة
شيخٍ عتيبه كلهـا اليـوم تنعـاه=وينعونه اللي يتعبـون الأصيلـة
مرحوم ياللي تفعل الطيب يمنـاه=كساب مـردود الثنـا والجزيلـة
عز الخوي واللي من البعد ينصاه=معروف أبو جامع ولابه جهيلـه
مزبان من حده زمانه على أقصاه=عبدالعزيز اللـي يشيـل الثقيلـة
شيخٍ من شيوخٍ على العز منشـاه=عسى عظامـه ماتجيـه المليلـة
وعساه بالفردوس نزلـه ومثـواه=بين الغصون المثمـرة والظليلـة
في جاه من نخشى منه ونترجـاه=اللي من المنشا يجيـب المخيلـة
يارب في لطفك من النـار تاقـاه=ويدوم عز عياله أهـل الفضيلـة
جامع واخوانه واهل العز والجـاه=واجبر عزانا فـي فقيـد القبيلـة
ولا مات من خَلََفْ لو أقفتْ مطاياه=أمثال جامع عز من يعتـزي لـه
شيخٍ عسى رب المخاليق يرعـاه=مثل النداوي ما كـره بالطويلـة
وختامها عداد مـزنٍ نثـر مـاه=وعداد ماينبـت بوسـط الخميلـة
صلوا على اللي بيََنْ الحق وأبـداه=المصطفى نور الهدى والفضيلـة

الشاعر / سعد سعود بن مغلي الحزيمي العتيبي..