مـــــــــــــــــــــــــــنتدانا الغــــــــــــــــالي... سلام

[فهد صقر الغنامي]

سلام الله على صرح(ن) عرفنا فيه ناس وناس = ومواثيق الوفا لهل الوفا ماهيب مسلوبه
جمعنا الود ولا الشعر له في كل حال قياس = واحد يكسيه جنز ازرق واحد يكسيه من ثوبه

[احمد الزايدي]

هلا يامرحبا بالشاعر اللي كنه القرناس= ليامنه بدا بالقـاف جـاب القـاق بعجوبه
جمعنا الود يارجال وايالشعر والهوجاس= وكل حصل اللي حصله في داخل اجيوبه

آخر تعديل احمد الزايدي يوم 30-Apr-2008 في 10:02 AM.

[فهد صقر الغنامي]

عسى يبقيك رب(ن) يفرق الهافي عن الحساس = مواقيت الغلا في مصلحة الاحباب مصبوبه
تنادمنا زمان(ن) فات والماضي مضا وانحاس = ضمير(ن) قال ياغي القلوب العفو والتوبه

[احمد الزايدي]

عسى الله يغفر أذنوب العباد المشفي من الباس=ونار أهل الوفا والطيب تبقا دوم مشبوبه
زمان فات خير الأزمنه وأشوفه الأساس=ودين الله هو الأسلا م خلك متجه صوبه

[فهد صقر الغنامي]

تخيل وضعنا لوما ليالينا شقا وتعاس = مابان طيب الطيبين ولاكشفت اللاش وعيوبه
انا ماخاف لاشفت الغصون المايله يباس = يغذيها الوفا وتعود للوافين مرغوبه

[احمد الزايدي]

يبين الفرق مابين النحاس وجوهر الأالماس= ليا أحتجنا لها كل تجده يسد في نوبه
وأنا ماخاف غير أن شفت كل يعلن الأفلاس= وغزه تنتهك والوضع يارجال رضيوبه

[فهد صقر الغنامي]

استاذنك نبي نكمل بعدين احمد

[بارود عازمي]

ابداااااااااااااااااااااااع فهد واحمد


صحت الالسن

[غازي غالب]

الله الله

صح لسانك ملايين يافهد
وصح لسانك ملايين يا أحمد

مبدعين لله دركم ..

واصلوا واصلوا

متابع

التوقيع

انته مزاجك خواً بالراس = وانا مزاجي يبا الهمجه

[احمد الزايدي]

صح بدنك


يا قبلان


والأبداع أنت راعيه يالغالي