يالله إلتجبر فابوخالد عزانا

[فهيد مقعد الرويس]

اعضاء هذا المنتدى الشامخ اليكم بعد السلام عليكم

هذه المرثيه في الشيخ عبدالعزيز بن جامع رحمه الله

يالله بنواً منك يكسي سمانا=خشوم مزنه كالقصور المبناه
ينساق بمرك يم هاك المكانا=يم النسيم وعن يمينه ويسراه
شهلول دفاقه برفق وطمانا=ينهل من فوق المقابر حمل ماه
ويسقي ضريح الي فراقه دهانا=ربيع تالي يوم تسعه دفناه
يالله إلتجبر فابوخالد عزانا=شيخ المواقف راع الطيب والجاه
شواهد فعوله عياناً بيانا=ياقل من سوى بربعه سواياه
تنومس فعوله وسيع البطانا=ياكم معدوماً بعد ربي اغناه
وعتيبه الهيلا نعت مع نعانا=مابه عتيبي ماكظم غيض فرقاه
شي نشوفه مايبيله مثانا=ثقيل وزن وفي عتيبه فقدناه
مواقفه تنطق ولوماحكانا=لليم جموعٍ عن يساره ويمناه
في قصره العامر سوات الاخوانا=وقال إجتماع الصف مانقبل سواه
واقنع برايه طيبين المجانا=شيخ مداه بعيد وسماناً ارياه
معشي الهيلا مع الحشو ظانا=ولاساقها يبى وراهاالمثاراه
وحصل وسامٍ للسوالف ظمانا=من قال حاتم ماكذب يوم سماه
مايمحي مهما يطول الزمانا=هذاه حاتم طي لليوم طرياه
وحاتم عتيبه له حقوقً علانا=نذكر فعولٍ مافعلها مراياه
من شان لاقفى مانشح بدعانا=يالله يارب الكون تدمح خطاياه
وتجزيه عن فعل الحساني حسانا=وبالعفوتجعله من النار منجاه
وتجعل مقره وسط خضر الجنانا=والحمدلك والي قضيته رضيناه
عدلٍ قضاك وفيك علق رجانا=ثم فالرجال الي تحلوا سجاياه
يالله التمدي في عمارامورانا=جامع وفي باقي اخوانه مكافاه
عقب الولي هم يالدويله ذرانا=وتم الكلام الي من الراس جبناه
يالله للتجبر فابوخالد عزانا= شيخ رحل ماتنمحي دوم ذكراه

وسلامة الجميع

[فهد الظفيري]

صح لسانك صح لسانك

ورحم الله فقيدكم إبن جامع ويشهد الله بانه فقيدة لكل حر وأصيل





أعذرني فهو ليس بحاتم عتيبه ..



























































هو حاتم الجزيرة بأكملها

رحم الله فقيدكم يالهيلا وعسى الله يجمعكم فيه وفينا بالجنة

[عبدالله الجـــذع]

اخوي فهيد..

رحم الله حاتم الجزيره وفقيدنا جميعا الشيخ عبدالعزيز بن جامع ..
قصيده جزله كما عودتنا يالغالي..

لاعدمناك ولاهنت يالقرم..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[فهيد مقعد الرويس]

المشاركة الأصلية كتبت بواسطة فهد الظفيري

صح لسانك صح لسانك

ورحم الله فقيدكم إبن جامع ويشهد الله بانه فقيدة لكل حر وأصيل





أعذرني فهو ليس بحاتم عتيبه ..



























































هو حاتم الجزيرة بأكملها

رحم الله فقيدكم يالهيلا وعسى الله يجمعكم فيه وفينا بالجنة

صح بدنك يافهد الظفيري

واشكرك على هذا الشعور يالغالي

وهذا من توفيق الله للشيخ ابو خالد رحمه الله بان حبب فيه القريب

والبعيد والصغير والكبير

اماعن اللقب شي راجع للهيلا هم الي سموه بهذا الاسم ولست انامن

سماه

تقبل تحيتي وتقديري

[فهيد مقعد الرويس]

المشاركة الأصلية كتبت بواسطة عبدالله الجـــذع

اخوي فهيد..

رحم الله حاتم الجزيره وفقيدنا جميعا الشيخ عبدالعزيز بن جامع ..
قصيده جزله كما عودتنا يالغالي..

لاعدمناك ولاهنت يالقرم..

اخوي عبدالله

الله يقبل دعاك ويرحم اموات المسلمين

واشكرك على طيب التواصل يالقرم

اسعدني مرورك لاهنت

والجزاله انت من اهلها لاعدمناك

تقبل تحيتي وتقديري

[معجب العتيبي]

صح لسانك

والله يرحمه وموتى المسلمين

التوقيع

[فهيد مقعد الرويس]

المشاركة الأصلية كتبت بواسطة معجب العتيبي

صح لسانك

والله يرحمه وموتى المسلمين

الله اما امين

وصح بدنك

يامعجب

تحيتي وتقديري

[فيصل المسعودي]

عسى الله يرحم الشيخ عبد العزيز بن جامع ويسكنه فسيح جنانه

ويغفرله جميع ذنوبه ويطهره منها كما يطهر الثوب الأبيض من الدنس

اخي فهيد الرويس

صح لسانك على هذه المرثية الجزلة

المليئة بروح الوفاء والمودة الصادقة

تقبل تحيات أخوك

فيصل النفيعي

[عبدالرحمن الهيلوم]

صح السانك يالغالي

[شجاع السواط]

الغالي فهيد الرويس

احسن الله عزاكم وعزا جميع عتيبه في قامه بحجم قامة الشيخ عبدالعزيز بن جامع

والله يرحمه ويغفر له ولجميع اموات المسلمين .

مرثيه صادقه .. وشعور صادق لرجل يستاهل الوفاء والدعاء ..

وقفت عند ابيات هذه المرثيه اكثر من مره ولا شك ان المصاب جلل وسحابة الحزن كست الجميع ..


وعتيبه الهيلا نعت مـع نعانـا
مابه عتيبي ماكظم غيض فرقـاه
شـي نشوفـه مايبيلـه مثانـا
ثقيل وزن وفي عتيبـه فقدنـاه

انشهد



صح السانك يافهيد وعلا شانك