السلام عليكم
مساكم او صبحكم الله بالخيرات
زي ما تعرفون يوم حضر بن فطيس بالحلقه الي فاتت
وقال قصيده وكان فيها بيت موجه لخلف المشعان حسب اعتقادي واعتقاد الاغلبيه
لان كان في ناس يرون انه عادي وغير موجه لخلف
فخلف يقول
من ذل لـو قالـو سلـم .. يبقـى بنظرتهـم ذليـل
ما تستـوي القمـه تحـت رجليـن منهـو هابهـا
ايه الشجاعه تغلب الكثـره وانـا اعطيـك الدليـل
الذيـب يـدرع بالغـنـم ولا يحـسْـب حسابـهـا
وبن فطيس يقول
حشمت أذانيكم عن سقاط الخطاب~~ورقيت بيديكم على قمه طويق
الذيب كانه ذيب يدرع في الذياب ~~يخلي الخرفان للضبع العويق
وبعد هذه الابيات في قصيده بن فطيس الاخيره والي اثارت حفيضه خلف
طلعت من المشعان هالقصيده وانتشرت بالمنتديات هاليومين
مـاني بمن ياتـي عـلـى شــان يــدرون =انـا الـذي يـدرون بـه قبـل يـاتـي
نجمي سطع من غيـر بيـرق ومليـون =قليـل فـي جيلـي يسـوي سـواتـي
حسـن النوايـا شفتهـا بكـل مجنـون =وسـوء النـوايـا جعلـهـا للممـاتـي
ماجيـت اهايـط بـس لازم تعرفـون =مازعزعـت بعـض السوالـف ثباتـي
لو شلـت فـي قلبـي مثـل مايشيلـون =ماكانـت الطيبـة مـن ابـرز صفاتـي
يامحمد ابن فطيس وش فيـك مشحـون =مااخطيـت يـوم انـي حسبتـك لقاتـي
ابي اطفي الفتنه وابي انشـدك وشلـون =اسلـم مـن الضيعـه واجمـع شتاتـي
النـاس معهـا عقـل ولسـان وعيـون =وقدّامهم كزيت.... يمك .........وصاتي
ماجيتـك ببيـت مـع الشعـر مدفـون =جيتك علىوضـح النقـا .....ياغناتـي
ماني من اللي في قفـا النـاس يحكـون =عيـب علـى ألحـق خويـي حصاتـي
اللـي لياقفيـت عنهـم....... يهـدون =ماهـم بكـفـو لرجعـتـي والتفـاتـي
سكـرت اذانـي عـن وكالـة يقولـون =وذكـرت لـي بيـت يفسـر سكـاتـي
الله يجيبـك مـن بعـيـد ن الـيـا دون =والله يحطـك باللـقـا مــن تـلاتـي
| التوقيع |
قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .
.
قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )
.
موقع يضم جميع القراء
هنا |
« آخـــر الـــمـــشـــاركــــات »
02-May-2008, 11:33 PM
عآجل عآجل ..المشعان يرد على ابن فطيس!!!!!!
العرض المتطور
