محاوره للراحل مطلق الثبيتي رحمه الله ورشيد الزلامي@@@

[محب الهيلا]

بسم الله الرحمن الرحيم


السلام عليكم ورحمة الله وبركاته.


هذه محاوره بين مطلق الثبيتي رحمه الله و رشيد الزلامي.

أرجو أن تحوز على رضاكم:


مطلق الثبيتي


يالزلامي فوق رآسك شجرةٍ مزروعه
غصنها مايل على رآسك ولاله فيّـه
إرم عن جنبك هذيك الجبّه المرقوعه
ولك عندي جبةٍ تسوى ميـة ربيّـه







رشيد الزلامي


لاتقربّها لرآسـي خلّهـا مرفوعـه
نيّتك ماهي سليمـه ياخبيـث النيّـه
حسنةٍ من عندكم ياأهل التهم ممنوعه
والزلامي تعرفـه مايلبـس العاريّـه








مطلق الثبيتي

دخنوا فالجحر لين إنّه نقز جربوعـه
الرجال اللي تعرف الحسنه من السيّه
مانبا نعطيه شي لين يلحس كوعـه
واحدٍ يزحف ونابه مثل نـاب الحيّـه







رشيد الزلامي


انت مثل بعير ....ماتزين طبوعـه
لونزيّـن رآس ابوعـرّام بالطاقيّـه
السلوك اللي تجي من يمّكم مقطوعه
من زمان العام ماهوب السنّه هاذيّه






مطلق الثبيتي


الزلامي لوبكالي مامسحـت إدموعـه
لوفرشلي يوم أجي عنده ميّّـه زوليّـه
إن نصحته عن سواليفه يصّك إسموعه
ماأنتبه لي لين ذاق الرمـح والجنبيّـه







رشيد الزلامي


لاتحاول في صناعه قبلكم مصنوعـه
وأنت ماتضمن نجاحك ميـةٍ بالميّـه
وآحسوفي ياليتيم اللي هشمت ضلوعه
كل ماصيّحت فإذنه طـاح فالصينيّـه







مطلق الثبيتي


لاترجّى خير مـن سيّـارةٍ قربوعـه
وإن مشت في دربها شاصينها ملويّه
لوعطاك الشيخ درع من خيار دروعه
قلت ياعاقل مع العقّال منـت بعيّـه







رشيد الزلامي


أنت مثل الذيب ماأعرف شبعته من جوعه
والعرب تقنع بشـرب الطبخـه البريّـه
لوقبلك البنك ماسكّـر جميـع فروعـه
فتحت الابـواب فالوسطـى وفالشرقيّـه

[عبدالله الجـــذع]

الله..

محاوره تستمتع بقرائتها مرارا وتكرارا..

مشكور يالغالي.

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[محمد العتيبي]

ياسلام ياسلام
محاوره جمعت جبال

مطلق الثبيتي و رشيد الزلامي ..

سلمت يداك يامحب ..
...

التوقيع

للتواصل عبر twitter تويتر al_bargawy@

[دوسي زهراني]

رموز شعريه وفتل ونقض رائع ..

صحت السنتهم وسلم ناقلها ..









































تحيـــات عـــاشــق الاهلــي الملكــي وجمهـــوره


نـــايــف الدوســي الزهــــراني

[وحي العقل]

يالزلامي فوق رآسك شجرةٍ مزروعه
غصنها مايل على رآسك ولاله فيّـه

يالزلامي فوق رآسك شجرةٍ مزروعه
غصنها مايل على رآسك ولاله فيّـه




الله يرحمه

ويبقي الحي


ويسلم محب الهيلا

[/عبد العزيز الجذع/]

الله يرحم الثبيتي... شاعر قوي

[قادح شرار]

مشكوووووووووور يا رقيب . على المحاورة الجميلة .

[محب الهيلا]

مشكورين على المرور ويعطيكم العافية

[&عنيد الفكر&]

محاورة روعة
شكر اا
شكراا

[محب الهيلا]

المشاركة الأصلية كتبت بواسطة &عنيد الفكر&

محاورة روعة
شكر اا
شكراا

مشكور على المرور