قصيده للشاعر / شباب عبيد الصوينع رحمه الله
في فلم (شيع) على المملكه ....؟
يقول فيها
مدري ورا الشاعر الى شاف دوره = ماينتفض والذل ينفـض غبـاره
الشاعر اللي ماتحـرك شعـوره = هذاك شعره في زمانـه خسـاره
فلم ظهر ماهوب يزعل ظهـوره = يرضى عليه اللي براسه نعـاره
الفلم لو حطوله الفيـن صـوره = مانال من طيب العقول استثـاره
الفلم مثلتوه مـن شـان اجـوره = ماتنتهون مـن الـردا والقـذاره
العيـب والله ياعقـول البـزوره = فاللي يحثون النسـاء للدعـاره
أحد تعدٍى عن حـدوده شبـوره = واحد يحب الشين يلصق بعـاره
من عرضها يكسب عشاه وفطوره = مثل البهيمه كـن مالـه مـراره
انـا نذيـر مبحثيـن الجحـوره = ترى اول النار الكبيـره شـراره
افعالنا عنـد الجميـع مخبـوره = ولنا الفخر وسم الشرف والطهاره
اللي بنا بيت عدا عنـه سـوره = اياه ويـا اللـي قصيـرٍ جـداره
بلدانكم لـولا الفسـاد مهجـوره = وحنا بلدنـا كـل يـومٍ زيـاره
احـد يزاورنـا يعشـي طيـوره = واحد يـزور لحجـةٍ واعتمـاره
دار على الدين الحنيف معمـوره = وشعب خذا بين الشعوب الصداره
دار الأسود الضاريـه والنمـوره = فيها المذاهب والذهب والحضاره
منذ بدا الأسلام وانشـق نـوره = وأذن بلال بصوت فأعلى منـاره
واقلوبنا دون العقيـده جسـوره = والا عقيـدة غيرنـا مستـعـاره
الزرع ينتج من نمونـة بـذوره = والكسر ما يلحـم بليـا جبـاره
يا مسميت سوسو وفيفو ولـوره = حنـا عزاوينـا بنـوره وسـاره
حنا ننـزل مـن تبيّـن غـروره = واللـي يقدرنـا يحصـل وقـاره
شباب الصوينع
« آخـــر الـــمـــشـــاركــــات »
05-Apr-2008, 01:26 AM
للشاعر دور كبير في المجتمع
العرض العادي
