السلام عليكم ورحمة الله وبركاته,
اتشرف بأن اكون عضو في هذا الصرح الشامخ؛
واقدم لكم قصيده مهداه لصاحب السمو الملكي سيدي/عبد العزيز بن فهد بن عبدالعزيز ,صاحب الأيادي اليضاء,,عسى ان تلقى رضاكم..
يا سيدي سلام مليون العدد=سلام ياعبدالعزيز أثني وأعود
ياسـيدي عبدالعزيز بن فـهد=ولد فهد عبدالعزيز بن سعود
يـاسيدي غيث البلد واهل البلد=يافرحـة الاسـلام ياحزن اليهود
ياسيدي هالحين واليوم الابــد=عهد من الإباء ورث من الجدود
ياسيدي والشبل من ذاك الاسد=ياسيدي والأسد من غاب الاسود
ياسيدي بالله وعليك اعتمد=مانعتمد على الضعيف ولا حسود
وانته سلالة من على العوصاء هجد=ورد على عجلان واثاره شهود
وانته ولد من للعرب عز وسند=من هيبته ميت وكنه في الوجود
وانت ولده ياسيدي نعم الولد=من اعتزا بك للعلى يرقى سنود
أن كان ماسندتني حرام ماعاد استند=والله ماوردها على صافي العدود
ياسيدي لو كل مجتهد ً وجـد= مامالت الدنيا على عاد وثمود
ياسيدي لو كل من يزرع حصد=ماشفت للاسهم نزول ولا صعود
مالي على غيرك ملد ولا مصد=ابقهر الحساد والعدو اللدود
أبي تقول الناس عز الله ورد=ميراد صامل زند مايرده شرود
وأنت السعد لن غاب ونحضرالسعد=أنت سعـدٍ ماله رسوم ولا قيود
ياسيدي بنيت بيت بلا عمد=بيت مايبنونه على الطنب وعمود
غيري بناء مثله ولاهب كل احد=بنايته تبغالها فكر وصمود
ليا مدحتك فيك مال المدح حد =اصغر فعولك لكبر مدوحك شهود
عسى عيون ً ماتشوفك للرمد= وعسى قلوب ً ماتحبك للحود
الله يعيدك للبلد وأهل البلد =بتم صحه للبلد عسى تعود
وختامها اعداد من لله سجد =وصلوا على المختار قيام وقعود.
آخر تعديل مصلح بن رشيدالكرشمي يوم 26-Mar-2008 في 09:41 PM.
« آخـــر الـــمـــشـــاركــــات »
26-Mar-2008, 09:26 PM
مـــصافحه أولـــى /// يـــاســـيدي
العرض الشجري