سر البحر لـ سعيد الفهري القحطاني

[عيال الشايب]

السلام عليكم
هذ قصيد للشاعر المعروف سعيد الفهري من أحد شعراء المحاورة والنظم المعروفين اعجبتني هذا لقصيده وحبيت اطرحها في هذا المنتدى

[[poet font="Simplified Arabic,4,black,bold,normal" bkcolor="transparent" bkimage="backgrounds/11.gif" border="none,4,gray" type=0 line=200% align=center use=ex length=0 char="" num="0,black" filter=""]
سر البحر
بيني وبينك يابحر سرّ قديم ما يذاع=غيري وغيرك غير رب البيت ما حي درا
حتى السمك واللول والمرجان وحبال الشراع=والمركب اللي تدفعه قدام ويعود ورا
واليوم ابكشف سرك المدفون واشيل القناع=واعلم البحار واعلم حمام أم القرى
وارسل حمام ام القرى برسالة فيها صراع=للمسلم اللي قطع حبال وثيقات العرى
واعطيه كلمه طولها في الخاتمه عشرين باع=علّة يفّكر في كفوف الفقر وكفوف الثرا
ان كان باقي تحت عظم الراس شي من النخاع=وان كان باقي يصك براسه حيود القرى
نبتت لحانا بالفخر والعز وبيوت رفاع=وليا وزانا مجرم ملحوق حنا له ذرا
واهل صحون تشّبع الخطار وصدور وساع=والطيب في كل القبايل والرجاجيل اخشرا
حنا صبرنا لين شمس العصر فارقها الشعاع=واثر الصبر ما عاد له خانه وجرحي ما برا
لا رحم ابوها رفقة تبنى على غش وخداع=واخير منها حجة تقربك من رب البرا
البعد من سود القلوب وعن خبيثين الطباع=مثل القميص اللي ستر جسم الهنوف من العرا
والرزق بيد اللي رزق داوود والدنيا متاع=ما في كرامة طيب الجدين بيع ومشترا
واخير من بعض الكلام اللي نقوله الاستماع=واكيد للهرج حكما واكيد للشعر شعرا
ونار تشب ودلة شقرا نزيل ابها الصداع=وخوة نشاما ماورهم غير مسك وعنبرا
ودرس مفيد في العقيده في بداية الاجتماع=ونذكر مقاديم الزمان اللي يرد بها البرا
وتسج في البيدا قدم رجل على الطرس اليراع=عقب المطر والعشب يكسي الارض والبدو اجورا
يا الكبتن الطيار لا تنقص مسافة الارتفاع=حتى ما تصدم في الجبال اللي تلوذ بها الورى
احرص على باقي المسافات وعليك الاتباع=وادر السلامة والعوافي لو غيرك ما درى
وتعشّ طير وخلّ طير وكل غالي ما يباع=ترى العدود ابعد من النجمين والغرب انفرا
واذا اردت انك تطاع آمر بما هو مستطاع=والا ترى ما دام عز اللي تعجرف وافترى
روح زمان السيف وسروج الأصايل والذراع=واقبل زمان الضحك في وجه الحصين الازهرا
دلا يل الساعة يطيح الراس وتقوم الكراع=وتسابق فروخ الحمامه كل حرّ اشقرا
ويا سبع ياللي قمت تعوي لين حافتك السباع=سبع رماه الله وسبع يوم حسّ بها سرا
ما قدمك الا الوادي المبطوح وعيّر شباع=مالك مكان مع انكر الاصوات ووحول الثرى
العز والناموس لا يمكن تجي في كل ساع=اغنم زمانك في جبل شمرخ ولا تنسى كرا
والصبر مفتاح الفرج والصدق سيف للشجاع=ماني مطاوع رغبت النفس وبليس الأعورا
المصطفى بالعقل فك قريش من شر النزاع=واقوى سبب للهجرة المُرّة نووا به في حرا
لكن حماه الله من الكفار وكبود وجاع=واستقبلوه اهل المدينه واليهودية ترا
واكمل رسالته العضيمه لين عم الانتفاع=ازكى صلاتي للحبيب باسم ربه قرا
واختامها يابحر هون بالسفينه والشراع=ترى ولد نوح اعتصم بالضلع لكن مادرى

سعيد علي الفهري القحطاني

[/poet]

[ابن مشيب]

واهل صحون تشّبع الخطـار وصـدور iiوسـاع
................. والطيب في كـل القبايـل والرجاجيـل iiاخشـرا



قصيدة رائعة , صح السانك ياعيال الشايب , ولسان الشاعر سعيد الفهري العبيدي القحطاني.........


تحياتي.......