رشيـــد الــــزلامي ينتقـــد ..... ؟

[الـ زيــد ــزلامي]

هذه قصيدة للشاعر الكبير /

رشيد الزلامي

... ينتقد فيها .. بعض الاشخاص .. الذين يكثروون الكلام في المجالس دون فائدة تذكر من حديثهم .. اترككم مع القصيدة :

يا كثر هرج العرب ياصعب تحليله=الا على من عرف معناه واهدافه
وانـا اعرف العلم لكن ما معي حيلـه=وشلون اعدل سنام الثور واكتافه
ليا جاك خبلاً يـحط العلم ويشيله=وليا سمـع شاعراً غنى على قافه
يصدقونـه ليا سمـعوا تـهاويلـه=وهوه كذوبـاً هيم والصدق ما حافه
وان سمـع طاري العزيمه قال منهي له=وقام يتلفت وشال البشت باطرافه
ضاري على المهزله ويعيش بـالـحيلـه=لكن عند اللوازم عاش من شافـه
ولو تـنصـحه قال يـا دنـيا من انتي له=متمرغاً فـي فراش ابليس ولـحافـه
وابليس فـي مـرقب الغاوين يومي له=ومشاركه كل مرباعه ومصيافه
لـه فـي طريق الخطا تسعين تـحويلـه=لو تـاصفه كذبوك الناس باوصافه
ومن كان هذي سواته وش تسوي له= خله يغرف البحر كله بـمغرافـه
لكن لا تسمع اخباره وتصغي له= يـجلس صنم وان ذلف عساه مذلافه

دمتم بود

[@ـايل]

بيض الله وجه الشاعر الكبير رشيد الزلامي والله يعطيه الصحه والعافيه

فقد انتقد هؤلاء الذين لا يحترمون المجالس نسال الله العفو والعافيه

قواك الله اخي زيد الزلامي على نقل القصيده الجزله وبيض الله وجهك

التوقيع

تويتر : AlHooL@

[فهد الزيادي]

بيض الله وجهك يا اخ زيد وصح لسان الشاعر الكبير رشيد الزلامي

[مسلط العالي]

ياحلوو
كلماتك ووزن ابياتك يابو جميل

صح لسانك

وشكرا يازيد
علي النقلك لنا هذي القصيده

[الـ زيــد ــزلامي]

حياك الله .. أخوي هايل .. ووجهك ابيض .. مرور عطر

[الـ زيــد ــزلامي]

حياك الله فهد الزيادي سعدت بمرورك

[الـ زيــد ــزلامي]

ارحب ارحب يابن العم .. ابو جميل فخر لنا جميع


اشكرك ع المرور

[عتيبي وافتخربربعي511]

بيض الله وجه الشاعر الكبير رشيد الزلامي والله يعطيه الصحه والعافيه

فقد انتقد هؤلاء الذين لا يحترمون المجالس نسال الله العفو والعافيه

قواك الله اخي زيد الزلامي على نقل القصيده الجزله وبيض الله وجهك

[الـ زيــد ــزلامي]

عتيبي وتفتخر .. يعطيك العافية ع المرور

[محب الهيلا]

قصيدة رائعة

مشكور وماقصرت على النقل